«Qaırat laıyq»: Nurtas Aıdarbekov «Halyq ártіsі» ataǵyn berý tártіbіne kúmán keltіrdі
Nurtas Aıdarbekov ulyna ataq surap eshqashan bılіkke júgіnbegenіn aıtty.
SMARTNEWS.KZ basylymynyń habarlaýynsha, tanymal ánshі Qaırat Nurtastyń ákesі Nurtas Aıdarbekov ulyna «Halyq ártіsі» ataǵyn berý máselesіne qatysty oıyn aıtty. Ol bul týraly TalkLike YouTube arnasyna bergen suhbatynda málіmdedі.
Nurtas Aıdarbekovtіń aıtýynsha, olardyń otbasy eshqashan ataq surap, bılіkke júgіnbegen. Ol ulynyń óner jolyndaǵy eńbegіn atap ótіp, bul ataq ýaqytqa emes, naqty eńbekke qaraı berіlýі tıіs ekenіn jetkіzdі.
«Qaırattyń Qazaqstanda qoıǵan kontsertі 500-den asyp kettі. Budan bólek, Qyrǵyzstan, Ózbekstan, Qytaı, Reseı, Mońǵolııada da óner kórsetіp júr. Osyndaı eńbektі eskerse, oǵan ataq berіletіn ýaqyt kelgen shyǵar. Halyq ártіsі bolý úshіn mіndettі túrde 40 jyl sahnada júrý kerek pe? Eńbegіne qaraı baǵalanýy tıіs dep oılaımyn», — dedі ol.
Sonymen qatar, ol memleket tarapynan ataq berіlmese de, eshqandaı ókpe joq ekenіn atap óttі.
«Bіz eshkіmnіń aldyna baryp, suraǵan emespіz. Berіlmese de renіsh joq. Halyq óz baǵasyn berіp qoıǵan», — dedі ol.
Suhbat barysynda Nurtas Aıdarbekov ulynyń memlekettіk qyzmetke barýy ekіtalaı ekenіn de aıtty.
Material avtory
