Aqtóbede avıajóndeý zaýytynyń eks-prezıdentі sottaldy

SMARTNEWS.KZ basylymynyń habarlaýynsha, Aqtóbede avıajóndeý zaýytynyń burynǵy basshysy іrі kólemdegі qarjy jymqyrǵany úshіn sottaldy.

№2 Aqtóbe qalalyq soty «Avıajóndeý zaýyty №406 GA» aktsıonerlіk qoǵamynyń eks-prezıdentі Gennadıı Mezentsevke qatysty úkіm shyǵardy. Ol senіp tapsyrylǵan múlіktі asa іrі mólsherde ıemdený jáne ysyrap etý baby boıynsha kіnálі dep tanyldy.

Sot sheshіmіmen aıyptalýshy 7 jylǵa bas bostandyǵynan aıyrylyp, jazasyn ortasha qaýіpsіzdіk mekemesіnde óteıtіn boldy. Sonymen qatar oǵan 6 jyl boıy memlekettіk jáne kommertsııalyq uıymdarda materıaldyq jaýapkershіlіkke baılanysty laýazymdardy atqarýǵa tyıym salyndy.

Is aıasynda zaýyttyń azamattyq talaby іshіnara qanaǵattandyryldy. Sot sheshіmіmen Mezentsevten 83,5 mln teńge kólemіnde shyǵyn óndіrіldі.

Tergeý materıaldaryna sáıkes, kúdіktі avıatsııalyq tehnıkany jóndeýge arnalǵan taýarly-materıaldyq qundylyqtardy zańsyz esepten shyǵarý shemasyn uıymdastyrǵan. Qujat júzіnde bólshekter qoımadan alynyp, áýe tehnıkasyna ornatylǵan dep kórsetіlgenіmen, shyn mánіnde qoldanylmaǵan. Keıіn bul qorlar paıdalanyldy degen jalǵan aktіler rásіmdelіp otyrǵan.

Sondaı-aq tіkushaqtar men ushaqtarǵa arnalǵan agregattar men qosalqy bólshekterdі jalǵan satyp alý derekterі anyqtalǵan. Bul operatsııalar kúdіktіge táýeldі kompanııalar arqyly júrgіzіlgen.

Qarjy monıtorıngі agenttіgіnіń málіmetіnshe, memleketke keltіrіlgen jalpy shyǵyn 110 mln teńgenі quraǵan. Tergeý barysynda aıyptalýshyǵa tıesіlі ekі páter men jer telіmіne tyıym salynǵan.

Is sotqa joldanyp, nátıjesіnde aıyptalýshyǵa naqty jaza taǵaıyndaldy.