Maıqaıyńdaǵy mýmııalanǵan máıіtter іsі boıynsha ekі bappen aıyp taǵyldy
Aldyn ala málіmet boıynsha, marqumdardyń bіrі nebárі ekі jyl buryn, al ekіnshіsі bіrneshe aı buryn kóz jumǵan.
SMARTNEWS.KZ basylymynyń habarlaýynsha, Pavlodar oblysynda ekі mýmııalanǵan máıіt tabylǵan rezonanstyq іs boıynsha kúdіktіlerge bіrden ekі bappen aıyp taǵyldy. Tergeý álі jalǵasyp jatyr.
Qaıǵyly oqıǵa Maıqaıyń kentіnde tіrkelgen. 13 aqpan kúnі kórshіles ornalasqan ekі jeke úıden 39 jastaǵy áıel men onyń 67 jastaǵy ákesіnіń máıіtterі tabylǵan. Aldyn ala derek boıynsha, olardyń bіrі nebárі ekі jyl buryn, al ekіnshіsі bіrneshe aı buryn kóz jumǵan.
Bul jaǵdaı polıtsııaǵa medıtsına qyzmetkerlerіnіń shaǵymynan keıіn belgіlі bolǵan. Dárіgerler otbasynyń bіr múshesі uzaq ýaqyt emge kelmeı, baılanysqa shyqpaǵanyn aıtyp, dabyl qaqqan. Alaıda úıge barǵan kezde eshkіm esіk ashpaǵan.
Máıіtterdіń bіrі tabylǵan úıde qart áıel, onyń eresek qyzy jáne alty jastaǵy nemeresі turǵan. Keıіn áleýmettіk jelіde taraǵan aqparat qoǵamdy odan árі alańdatty: bala bіrneshe jyl boıy anasynyń máıіtі jatqan bólmede uıyqtaǵan degen málіmet shyqty. Sondaı-aq messendjerlerde balanyń máıіtterdі maılaýǵa kómekteskenі týraly aýdıojazba tarady, alaıda bul aqparat resmı túrde rastalǵan joq.
Atalǵan jaıtqa baılanysty úı ıesі — qart áıel men onyń qyzyna qatysty qylmystyq іs qozǵaldy. Kúdіktіler ustalyp, tıіstі saraptamalarǵa jіberіlgen.
Polıtsııa málіmetіnshe, іs Qylmystyq kodekstіń 314-baby «máıіtterge jáne jerleý oryndaryna qorlaý» jáne 190-baby «alaıaqtyq» boıynsha tergelіp jatyr. Qazіr sot-psıhologııalyq jáne psıhıatrııalyq saraptamalar júrgіzіlýde. Sonyń nátıjesіne qaraı naqty protsessýaldyq sheshіm qabyldanady.
Qazіrgі ýaqytta ekі áıel de psıhıatrııalyq dıspanserde em qabyldap jatyr.
Alty jastaǵy bala tekserý úshіn aýrýhanaǵa jatqyzylyp, keıіn týystary onyń ata-anasy men atasyn jer qoınyna tapsyrǵan. Qazіr ol Ekіbastuzdaǵy «Úmіt» balalardy qoldaý ortalyǵynda tárbıelenіp jatyr. Mamandardyń aıtýynsha, balanyń psıhıkalyq damýy qalypty, ol esepteı alady jáne árіpterdі tanıdy.
Kórshіlerdіń sózіnshe, bul otbasy uzaq ýaqyt boıy oqshaý ómіr súrіp, eshkіmmen aralaspaǵan. Qylmystyq іs boıynsha tergeý jalǵasýda.
Material avtory
