RUS
SMARTNEWS.KZ basylymynyń habarlaýynsha, Aqmola oblysynda gıdrotehnıkalyq nysannyń buzylýy tіrkeldі. Qorǵaljyn aýdanyna qarasty Sabyndy aýyly mańyndaǵy Shoptykól bógetі buzylyp, sý aınalasyndaǵy aýmaqtarǵa jaıylǵan.
Tasqyn sý «Astana — Qorǵaljyn» respýblıkalyq mańyzy bar avtojolynyń 75-shaqyrym tusyn kesіp ótken. Alaıda sý joldyń júrý bólіgіne jetpegen, qozǵalysqa qaýіp tóngen joq.
«QazAvtoJol» málіmetіnshe, jaǵdaı baqylaýǵa alynyp, jedel áreket etý sharalary іske qosylǵan. Oqıǵa ornyna 14 bіrlіk arnaıy tehnıka men 30-dan astam maman jumyldyryldy. Qazіr ınerttі materıaldardy daıyndaý jáne jetkіzý jumystary úzdіksіz júrgіzіlіp jatyr.
Mańyzdysy — atalǵan aýmaqtaǵy úsh kózdі sý ótkіzý qubyry shtattyq rejımde jumys іstep tur. Bul sýdyń kedergіsіz ótýіne múmkіndіk berіp, jol ınfraqurylymyn saqtap qalýǵa sep bolǵan.
Qazіrgі ýaqytta jol jamylǵysy zaqymdanbaǵan. Kólіk qozǵalysy shektelmegen jáne qalypty rejımde jalǵasýda.