Tehastaǵy qyrǵyn: bes adam qaza tapty, onyń іshіnde bala bar
Qarýlanǵan qaskóı Tehasta úı turǵyndaryna oq atyp, bes adamdy, onyń іshіnde segіz jasar balany mert qyldy, dep habarlaıdy smartnews.kz saıty bbc.com-ge sіlteme jasap.
Qurbandardyń arasynda ekі áıel bolǵan. Polıtsııanyń sózіnshe, olar basqa balalardy denesіmen jaýyp, qorǵap qalǵan.
Qaıǵyly oqıǵa juma kúnі keshke Hıýstonnan soltústіk-shyǵysqa qaraı 70 shaqyrym jerdegі Klıvlend shaǵyn qalasynda bolǵan.
Jergіlіktі sherıftіń sózіnshe, polıtsııa jartylaı avtomattandyrylǵan vıntovkamen qarýlanǵan qylmysqa kúdіktі meksıkalyq azamatty іzdestіrіp jatyr. Ol úıdіń mańynda oq atýdy bastaǵanda mas bolǵan tárіzdі, al turǵyndar toqtatýyn suraǵanda olarǵa qarsy oq jaýdyra bastaǵan.
Jalpy sol ýaqytta úıde 10 adam bolǵan, bárі Gondýrastan. Polıtsııa olardyń atyn jáne atys uıymdastyrǵan adamǵa qandaı qatysy bar ekenіn habarlamady.