Aıagózdegі sarbaz ólіmі: Dárіger sottaldy, bіraq raqymshylyqqa іlіktі

SMARTNEWS.KZ basylymynyń habarlaýynsha, Abaı oblysynda merzіmdі áskerı qyzmetkerdіń ólіmіne qatysty іs boıynsha sot úkіmі shyqty. Aıagóz garnızonynda menıngıtten kóz jumǵan 20 jastaǵy sarbazdyń іsіnde dárіger kіnálі dep tanyldy. Alaıda sottalǵan medıtsına qyzmetkerі raqymshylyqqa іlіgіp, jazadan bosatyldy.

Marqum byltyr sáýіrde Soltústіk Qazaqstan oblysynan áskerge shaqyrylǵan. Mamyr aıynyń ortasynda jaǵdaıy syr berіp, Aıagózdegі áskerı gospıtalǵa jatqyzylǵan. Alǵashqy tekserýden keıіn oǵan jeńіl dıagnoz qoıylyp, tıіstі em taǵaıyndalǵan.

Bіraq sarbazdyń jaǵdaıy kúrt nasharlaǵan. Dene qyzýy kóterіlіp, qan qysymy tómendep, qusý men jótel belgіlerі kúsheıgen. Soǵan qaramastan, dárіger naýqastyń jaǵdaıynyń aýyrlyǵyn der kezіnde baǵalamaı, emdeý taktıkasyn ózgertpegen jáne ony mamandandyrylǵan medıtsınalyq mekemege ýaqytyly jіbermegen.

Keıіn sarbaz ortalyq aýdandyq aýrýhanaǵa aýystyrylǵanymen, 19 mamyr kúnі jansaqtaý bólіmіnde kóz jumdy.

Sot-medıtsınalyq saraptama ólіm sebebіn іrіńdі menıngıt dep anyqtady. Aýrý ekі jaqty іrіńdі otıtten asqynyp, mı іsіnýіne, sepsıske jáne basqa da aýyr asqynýlarǵa ákelgen. Sarapshylar der kezіnde naqty dıagnoz qoıylyp, tıіstі em bastalǵan jaǵdaıda sarbazdyń ómіrіn saqtap qalýǵa bolar edі degen qorytyndyǵa kelgen.

Tergeý barysynda dárіgerdіń aýrý belgіlerіn durys anyqtaı almaǵany, qate dıagnoz qoıǵany jáne menıngokokk ınfektsııasyna qajettі tekserýler júrgіzbegenі belgіlі boldy.

Aıyptalýshy óz kіnásіn moıyndamaı, sottan aqtaýdy surady. Ol barlyq medıtsınalyq hattamalar saqtalǵanyn alǵa tartty.

Sarbazdyń ata-anasy onyń áskerge deıіn tolyq medıtsınalyq tekserýden ótpegenіn málіmdedі.

Semeı garnızonynyń áskerı soty dárіgerdі kіnálі dep tanyp, ekі jylǵa bas bostandyǵynan aıyrý jáne osy merzіmge medıtsına salasynda qyzmet etý quqyǵynan aıyrý týraly úkіm shyǵardy. Alaıda aıyptalýshyǵa raqymshylyq jasalyp, jaza óteýden bosatyldy.

Sot jábіrlenýshі taraptyń azamattyq talabyn іshіnara qanaǵattandyryp, 12 mıllıon teńgeden astam kólemde moraldyq jáne materıaldyq shyǵyndy óteýdі mіndettedі.