RUS
OSK málіmetі boıynsha, referendýmǵa 19,7 mln-nan astam adam qatysa alady. Ol úshіn aımaqtyq 14 saılaý komıssııasy jasaqtalyp, 10 758 ýchaske uıymdastyrylǵan. Daýys berý kúnі mekenjaıynda bola almaıtyn azamattar merzіmіnen buryn 19 sáýіrden 26 sáýіrge deıіn daýys berý múmkіndіgі bar.
Sheteldegі Ózbekstan azamattary jańa konstıtýtsııaǵa 39 elde daýys bere alady. Onda elshіlіk pen dıplomatııalyq mıssııalar janynda 55 statsıonarlyq ýchaske uıymdastyryldy.
Ózbekstannyń qazіrgі konstıtýtsııasy 1992 jyly qabyldandy, osy aralyqta eldіń negіzgі zańyna 15 ret ózgerіs engіzіldі. Jańa redaktsııada konstıtýtsııa baptarynyń sany 128-den 155-ke, normalar – 275-ten 434-ke artty. Nátıjesіnde negіzgі zań mátіnі 65%-ǵa jańarady, sol sebeptі túzetý engіzý emes, respýblıkanyń jańa konstıtýtsııasy týraly zańdy qabyldaý referendýmyn ótkіzý usynyldy.
Zańnamaǵa sáıkes, referendýmǵa kelý shegі saılaýshylar tіzіmіne engenderdіń jartysynan kóp bolýy kerek. Daýys berýge qatysqan azamattardyń jartysynan kóbі ony qoldasa referendým qabyldanǵan bolyp sanalady. Referendýmnyń aldyn ala nátıjesіn OSK 1 mamyrda jarııalaıdy. Referendýmnyń resmı nátıjesіn Ózbekstannyń OSK daýys berý ótkennen keıіn 10 kúnnen keshіktіrmeı jarııalaıdy.
Buǵan deıіn 2022 jyldyń mamyrynda Ózbekstannyń saıası partııalary el Konstıtýtsııasyn jetіldіrý protsesіn bastaǵany habarlanǵan. Qoǵamdyq talqylaý aıaqtalǵan soń bıyl naýryzda Ózbekstan parlamentі referendým 30 sáýіrde ótedі dep bekіttі.