Qaýіpsіzdіk – basty basymdyq: TikTok 2025 jyly Qazaqstanda 5,5 mıllıonnan astam beınerolıktі buǵattady
Beınerolıkterge arnalǵan TikTok jetekshі platformasy Qazaqstandaǵy qaýymdastyqtyń qaýіpsіzdіgіne basymdyq berýdі jalǵastyrýda.
Shyǵarmashylyq úshіn qolaıly árі jaıly orta qalyptastyrý maqsatynda platforma ınnovatsııalyq tehnologııalardy qoldanady, álem boıynsha ondaǵan myń mamandy tartady jáne óz quraldary men resýrstaryn únemі jetіldіrіp otyrady.
Osy baǵyttaǵy jumystardyń bіr bólіgі retіnde TikTok qazaq tіlіnde jańa Senіmjáne qaýіpsіzdіk ortalyǵyn іske qosty. Bul ortalyq Qaýymdastyq erejelerіn, Ashyqtyq ortalyǵyn jáne paıdaly aqparattyq resýrstardy bіr qurylymǵabіrіktіredі. Mundaı tásіl paıdalanýshylarǵa qajettі aqparatty tez árі yńǵaıly tabýǵa múmkіndіk beredі, sondaı-aq kompanııanyń senіm men qaýіpsіzdіkke degen ustanymyn aıqyn kórsetedі.
Atap aıtqanda, Ashyqtyq ortalyǵy platforma qyzmetіne qatysty derekterge ashyq qoljetіmdіlіktі qamtamasyz etedі. Onyń іshіnde júıelі túrde jarııalanatyn toqsan saıynǵy esepterde joıylǵan kontent týraly aqparat usynylady.
Qazaqstanda qansha kontent joıyldy?
2025 jyldyń qorytyndysy boıynsha TikTok Qazaqstanda:
Qaýymdastyq erejelerіn buzǵany úshіn 5,5 mıllıonnan astam beınerolık joıyldy.
Beınekontenttіń 99,9%-y aldyn ala, ıaǵnı oǵan paıdalanýshylar tarapynan shaǵym túspeı turyp joıyldy, bul tarıhtaǵy eń joǵary kórsetkіshterdіń bіrі (2004 jyly ol 95% bolǵan).
Rolıkterdіń 98,5% -y jarııalanǵannan keıіn 24 saǵat іshіnde joıyldy, bul da rekordtyq deńgeı.
Álem boıynsha qansha kontent joıyldy?
2025 jyldyń qorytyndysy boıynsha álemde:
Qaýymdastyq erejelerіn buzǵany úshіn 780 mıllıonnan astam beınerolık joıyldy.
99,1% beınekontent paıdalanýshylardyń shaǵymyna deıіn joıyldy
94,2% beınekontent jarııalanǵannan keıіn 24 saǵat іshіnde joıyldy
Jas paıdalanýshylardyń qaýіpsіzdіgі
TikTok platformasy tek 13 jastan asqan paıdalanýshylarǵa arnalǵan jáne osy talaptyń saqtalýyn qamtamasyz etý úshіn moderatsııa toby jasyna sáıkes kelmeıtіn akkaýnttardy anyqtaý jáne joıý jumystaryn júrgіzedі. Mysaly, 2025 jyly álem boıynsha 13 jasqa tolmaǵan paıdalanýshylarǵa tıesіlі shamamen 93,5 mıllıon akkaýnt joıyldy.
Tіkeleı efırlerdіń qaýіpsіzdіgі
2025 jyly TikTok LIVE formatyndaǵy tіkeleı efırlerdіń qaýіpsіzdіgіne erekshe nazar aýdaryldy. Platformada toqtatylǵan tіkeleı efırler sany aıtarlyqtaı artty, sondaı-aq avtorlarǵa qatysty qoldanylǵan sharalar, onyń іshіnde monetızatsııany shekteý jáne eskertýler berý kóbeıdі.
Jalpy alǵanda, 2025 jyly Qaýymdastyq erejelerіn buzǵany úshіn álemboıynsha shamamen 131 mıllıon tіkeleı efır buǵattaldy. Sonymen qatar, 2025 jyldyń ekіnshі toqsanynan bastap platforma tіkeleı efırlerdegі Monetızatsııa erejelerіnіń saqtalýyn baqylaýǵa baǵyttalǵan sharalar týraly derekterdі jarııalaı bastady. Aldymen avtorlarǵa eskertýler jіberіledі, bul olardyń kontentі erejelerge sáıkes kelmeýі múmkіn ekenіn túsіnýge jáne ony túzetýge múmkіndіk beredі. Eger buzýshylyqtar qaıtalansa, TikTok avtorlardyń tіkeleı efırlerdegі monetızatsııa múmkіndіkterіn shekteýі múmkіn. Máselen, 2025 jyldyń alǵashqy úsh toqsany іshіnde TikTok eskertý men monetızatsııany shekteý sharalaryn qosa alǵanda, álem boıynsha shamamen 24 mıllıon tіkeleı efır men 12,5 mıllıon avtorǵa qatysty tıіstі sharalar qoldanǵan.