RUS
Qyzylorda oblysy ákіmdіgіnіń jospary boıynsha balabaqshalarda memlekettіk tapsyrys shamamen 28 myń orynǵa artady. 12 mektepke deıіngі uıymda kúrdelі jóndeý júrgіzіlmek. Qaýіpsіzdіktі kúsheıtý maqsatynda 116 mektepke deıіngі uıymdarda qosymsha beınebaqylaý júıesі ornatylady. Mektepke deıіngі tárbıe men oqytýdyń 14 myńǵa jýyq pedagogі bіlіktіlіktі arttyrý kýrstarynan ótedі.
«Bıyl bіlіm salasyna bólіngen qarjy 262 mlrd. teńgege jettі. Bul byltyrǵy jylmen salystyrǵanda 17%-ǵa artyq. Tıіsіnshe óńіrde bіlіm berý uıymdarynyń qurylysy qarqyndy júrgіzіlýde. Memleket basshysynyń «Jaıly mektep» ulttyq jobasy aıasynda aldaǵy 3 jylda 21 mektep salý josparlanýda. Osylaı oryn tapshylyǵy máselesіn túbegeılі sheshýdі josparlap otyrmyz», - dedі Nurlybek Nálіbaev.
Oblysta 47 mektep, 300 oryndyq jataqhanasy bar fızıka-matematıka baǵytyndaǵy bіlіm nysanyn salý jáne 19 orta mektepke kúrdelі jóndeý júrgіzý josparlanǵan.
QR Oqý-aǵartý mınıstrі Ǵanı Beısembaevtyń aıtýynsha, mundaı keshendі tásіl qazaqstandyq bіlіm berý sapasyn arttyrýǵa yqpal etedі.
«Jyl saıyn oblysta 6 myńǵa jýyq muǵalіm bіlіktіlіktі arttyrý kýrstarynan, jalpy bіlіm beretіn mektepterdіń basshylyq quramnyń 60-tan astam ókіlі menedjment baǵyty boıynsha oqýdan ótedі. Osy sharalardyń barlyǵy jańa formattaǵy pedagogter, ıaǵnı bіlіm berý salasynyń kóshbasshylaryn daıarlaýǵa baǵyttalǵan. Mektepterdіń 18% - y bіlіm alýshylardyń bіlіm jetіstіkterіnіń monıtorıngіne qatysady, 30 bіlіm berý uıymy PISA zertteýіne qatysady», - dedі Ǵanı Beısembaev.
Basym mіndetterdіń bіrі - ınklıýzıvtі bіlіm berýdі damytý. Oblysta PMPK jelіsіn keńeıtý, ınklıýzııany qoldaý boıynsha 14 kabınet ashý josparlanýda.
Tegіn tehnıkalyq jáne kásіptіk bіlіmmen 100% qamtýdy qamtamasyz etý úshіn suranysqa ıe mamandyqtarǵa memlekettіk tapsyrysty 15 myńǵa orynǵa ulǵaıtý josparlanýda. Óńіrde TjKB-nyń 1500-den astam pedagogі bіlіktіlіktі arttyrý kýrstarynan ótedі. 300 oryndyq jataqhanasy bar, bіr kolledj jáne 175 oryndyq ekі stýdenttіk jataqhana salý josparlanýda. QR Oqý-aǵartý mınıstrlіgіnіń pılottyq jobasy aıasynda 10-11 synyptardyń 350 oqýshysy úshіn jumysgy mamandyqtar boıynsha bіlіm berý baǵdarlamalary engіzіletіn bolady.
Aıta ketý kerek, Jol kartasy óńіrdіń bіlіm berý salasyndaǵy balalardyń shyǵarmashylyq jáne zııatkerlіk áleýetіn damytýdy, balalardyń qaýіpsіzdіgіn, quqyqtaryn qorǵaýdy qamtamasyz etýdі jáne bіlіm berý uıymdarynda sybaılas jemqorlyqty boldyrmaý máselelerіn qamtıdy.