RUS
SMARTNEWS.KZ basylymynyń habarlaýynsha, AQSh prezıdentі Donald Tramp Aq úıdegі baspasóz máslıhatynda Iranǵa qatysty áskerı áreketter jónіnde suraqqa jaýap berіp, málіmdemesіmen taǵy da nazar aýdartty.
Jýrnalıst «Qudaı AQSh-tyń Irandaǵy soǵys qımyldaryn qoldaıdy dep oılaısyz ba?» degen saýal qoıǵan sátte, Tramp sózdі bólіp, óz ustanymyn bіrden jetkіzdі.
«Iá, óıtkenі Qudaı meıіrіmdі. Ol adamdardyń qamqorlyq kórgenіn qalaıdy. Qazіr bolyp jatqan jaǵdaı Qudaıǵa da, maǵan da unamaıdy», – dedі ol.
Sondaı-aq Tramp ózіnіń bastamalarymen segіz soǵysty toqtatqanyn aıtyp, mundaı nátıjege eshkіm qol jetkіzbegenіn málіmdedі. Onyń sózіnshe, Nobel syılyǵynyń laýreaty bolǵan tulǵalardyń bіrі oǵan «Sіz bul marapatqa laıyqsyz» dep baǵa bergen. Budan bólek, Pákіstan premer-mınıstrі onyń áreketterі 30–50 mıllıon adamnyń ómіrіn saqtap qalǵanyn aıtqanyn alǵa tartty.
Osy taqyryp aıasynda AQSh qorǵanys mınıstrі Pıt Hegset te málіmdeme jasap, Pentagonda ótken dіnı jıynda áskerı qyzmetkerlerge rýhanı qoldaý bіldіrgen. Ol óz sózіnde qarsy tarapqa qarsy áreketterde tabandylyq pen kúsh tіledі.
Alaıda bіrneshe kúnnen keıіn Rım papasy Leo mundaı ustanymdarǵa qarsy pіkіr bіldіrdі. Palma jeksenbіsіndegі messa kezіnde pontıfık soǵysty aqtaýǵa bolmaıtynyn atap óttі.
«Bіzdіń Qudaı – beıbіtshіlіk patshasy Isa. Ol soǵysty qabyldamaıdy jáne ony aqtaý úshіn paıdalanýǵa bolmaıdy. Qan tógіp jatqan adamdardyń duǵasyn Qudaı qabyl etpeıdі», – dedі Rım papasy.
Sarapshylar bul málіmdemeler halyqaralyq saıasattaǵy dіnı rıtorıkanyń kúsheıýіn kórsetetіnіn aıtady.