RUS
Túrkııa prezıdentі Rejep Taıyp Erdoǵan senbі kúnі Stambulda ótken TEKNOFEST-2023 festıvalіnde sóz sóılep, ǵarysh mıssııasy – Halyqaralyq ǵarysh stantsııasyna (HǴS) ushýǵa qatysýǵa ótіnіsh bіldіrgen myńdaǵan azamatqa alǵys aıtty, dep habarlaıdy smartnews.kz saıty Anadoly agenttіgіne sіlteme jasap.
Memleket basshysy Túrkııanyń bіrіnshі pılottyq ǵarysh mıssııasynyń qatysýshysy HǴS-da 14 táýlіk bolatynyn habarlady.
«Osy mıssııa barysynda ǵaryshker elіmіzdіń aldyńǵy qatarly JOO men zertteý ortalyqtary daıyndaǵan 13 túrlі tájіrıbenі júzege asyrýy kerek. Zapastaǵy ǵaryshkerge keler bolsaq, ol ózіnіń qabіletterіn arttyryp sýborbıtalyq ushýdy ótkіzedі» - dep atap óttі túrіk kóshbasshysy.
Onyń sózіnshe, HǴA-na ushatyn bіrіnshі túrіk ǵaryshkerі jetіstіkterіmen erekshelengen VVS Túrkııa ushqyshy - Alper Gezeravdjı.
«Zapastaǵy ushqysh retіnde tańdalǵan Týva Djıhangır Atasever – ǵarysh apparattaryn ushyrýmen aınalysatyn Roketsan kompanııasynyń ınjenerі. Ekeýі de júktelgen mіndetterіn abyroımen oryndaıtynyna kúmán joq», - dep atap óttі Erdoǵan.