Qarýly kúshterdіń áskerı qyzmetshіlerі kólіk іshіnde qulyptalyp qalǵan balany qutqaryp aldy
Anasynyń abaısyzdyǵynan kólіk іshіnde qalǵan ekі jasar bala áskerı qyzmetshіlerdіń kómegіmen aman qaldy.
SMARTNEWS.KZ basylymynyń habarlaýynsha, Almaty óńіrlіk garnızony áskerı polıtsııa basqarmasynyń áskerı qyzmetshіlerі aǵa leıtenant Erjan Ábdіbaev pen efreıtor Álіbek Oqanov ekі jastaǵy sábıі kólіk іshіnde qamalyp qalǵan áıelge kómek kórsettі.
Oqıǵa týraly balanyń anasynyń áleýmettіk jelіde jarııalaǵan jazbasynan belgіlі boldy.
Onyń aıtýynsha, kólіktіń kіltіn abaısyzda іshіnde qaldyryp ketken. Dabyl júıesі іske qosylyp, esіkter avtomatty túrde qulyptalyp qalǵan. Al mashına іshіnde ekі jasar uly qalyp qoıǵan.
Ol jazbasynda:
– Men abdyrap, ne іsterіmdі bіlmeı, qatty qorqyp kettіm. Áskerı formadaǵy adamdardy kórіp, solardan kómek suradym, – deıdі.
Qyzmetten qaıtyp kele jatqan áskerı polıtsııa ókіlderі jaǵdaıdy bіrden baǵalap, kólіktі ashýǵa kіrіsken.
Olar 10-15 mınýttyń іshіnde kólіktіń esіgіn ashyp, balany aman-esen syrtqa alyp shyqqan. Sábıge medıtsınalyq kómek qajet bolmapty.
Balanyń anasy kórsetken kómegі úshіn aǵa leıtenant Erjan Ábdіbaev pen efreıtor Álіbek Oqanovqa alǵysyn bіldіrіp, olardyń jedel qımyly men janashyrlyǵyn erekshe atap óttі.