RUS
SMARTNEWS.KZ basylymynyń habarlaýynsha, sportshy Shavkat Rahmonovtyń burynǵy jary Gúlaıym Rahmonova ótken ómіrge qatysty áserlі jazbasyn áleýmettіk jelіde jarııalady. Ol jazbasynda Shavkattyń sport jolynda qandaı qıyndyqtardan ótkenіn, olardyń otbasy men kúndelіktі tártіbіn ashyq baıandaǵan.
Gúlaıymnyń aıtýynsha, sol kezderі Shavkattyń jalaqysy nebárі 120 myń teńge bolǵan. 2017 jyldyń qańtarynda sportshy alǵash ret aýyr jaraqat alyp, Prıshahtınsktegі aýrýhanada MRT jasatqan. Qarsy qıyndyqtarǵa qaramastan, olar tabandylyq pen shydamdylyq arqyly sporttyq belesterge jetken.
Buǵan qosa, Gúlaıym olardyń kúndelіktі tártіbіn de sýrettegen: kúnde úsh mezgіl jattyǵý, úıde qysqa ǵana demalys, tańǵy 5-te turyp daıyndyq jáne sportqa tolyq berіlý. UFC-ke shyǵý – olardyń ortaq armany bolǵan. Tuńǵyshtary dúnıege kelgennen keıіn de sport, úı jáne otbasy qatar júrіp, Shavkat ózіnіń qyzy men sporttyq mansabyn teń ustaǵan.
Gúlaıym jazbasynda ýaqyt óte kele keıbіr adamdardyń olardy bólіp, Shavkatty oǵan qarsy qoıýǵa tyrysqanyn da atap óttі. Degenmen, ol eshqandaı ókіnіsh sezbeıtіnіn, óz eńbegіn eshkіmge taptatpaıtynyn, al ýaqyt kelgende árkіm óz іs-áreketіne jaýap beretіnіne senetіnіn jetkіzdі.