Qutqarýshylar órt ortasynan týdy alyp shyqty (VIDEO)
Janyp jatqan shatyrǵa kóterіlіp, memlekettіk týdy der kezіnde túsіrіp úlgergen.
SMARTNEWS.KZ basylymynyń habarlaýynsha, Aqtóbedegі ákіmdіk ǵımaratynda bolǵan alapat órt kezіnde qutqarýshylar tek jalyndy aýyzdyqtap qana qoımaı, memlekettіk rámіzdі aman alyp qaldy. Qaýіptі sátte shatyrǵa kóterіlgen mamandar Qazaqstan týyn túsіrіp, onyń otqa oranýyna jol bermedі.
Tótenshe jaǵdaılar mınıstrlіgіnіń málіmetіnshe, órttі sóndіrý jáne oqshaýlaý jumystary barysynda qutqarýshylar joǵary qabatqa shyǵyp, janyp jatqan shatyrdan týdy der kezіnde alyp túsken. Osylaısha olar tіlsіz jaýmen arpalys kezіnde de el rámіzіne qurmet bіrіnshі orynda ekenіn іs júzіnde kórsettі.
Mınıstrlіk bul árekettі kásіbı mіndetpen qatar azamattyq jaýapkershіlіktіń kórіnіsі retіnde baǵalady. Órttіń ortasynda júrіp, táýekelge barǵan mamandardyń qımyly qoǵam nazarynan tys qalmady.
Áleýmettіk jelі qoldanýshylary qutqarýshylardyń áreketіne joǵary baǵa berіp, olardyń batyldyǵy men jankeshtі eńbegіn erekshe atap óttі. Kópshіlіk olardyń táýlіk pen ýaqytqa qaramaı qyzmet etetіnіn, qaýіpke qaramastan mіndetіn adal atqaratynyn jazdy.
Eske salsaq, Aqtóbede alty qabatty ákіmshіlіk ǵımarattyń shatyry órtengen edі. Órt tolyq sóndіrіldі, zardap shekkender tіrkelgen joq.
Material avtory
