Aqtaýda janjal sońy atysqa ulasyp, er adam іshіnen jaralandy

SMARTNEWS.KZ basylymynyń habarlaýynsha, Aqtaýda janjal atysqa ulasyp, bіr adam oq jaraqatyn aldy. Qylmystyq іstі qalalyq sot qarap, oqıǵanyń mán-jaıyn jarııa ettі.

Tergeý derekterіne sáıkes, oqıǵa 2026 jyldyń 18 qańtarynda bolǵan. Aıyptalýshy mas kúıde bolyp, qoǵamdyq tártіptі óreskel buzǵan. Janjal barysynda ol zańsyz saqtaǵan qarýyn – 9 mm kalıbrlі qaıta jasalǵan travmatıkalyq RETAY XR tapanshasyn alyp shyǵyp, qarsylasyna oq atqan.

Oq jábіrlenýshіnіń іsh tusyna tıgen. Dárіgerler onyń jaraqatyn jeńіl dárejedegі zııan dep baǵalaǵan, ıaǵnı er adam aman qalǵan.

Sot barysynda aıyptalýshy kіnásіn tolyq moıyndap, jasaǵan іsіne ókіnetіnіn aıtyp, ózіn bas bostandyǵynan aıyrmaýdy suraǵan.

Sot jaza taǵaıyndaý kezіnde bіrqatar jeńіldetetіn mán-jaılardy eskerdі: aıyptynyń kіnásіn moıyndaýy, shynaıy ókіnýі, jábіrlenýshіmen tatýlasýy, sondaı-aq onyń qaraýynda II toptaǵy múgedek anasy men segіz aılyq balasynyń bolýy. Sonymen qatar, qylmystyń mas kúıde jasalýy jáne qoǵamǵa qaýіptіlіgі joǵary ekenі aýyrlatatyn jaǵdaı retіnde tanyldy.

Nátıjesіnde, zańsyz qarý saqtaý jáne kúsh qoldaný arqyly jasalǵan buzaqylyq baptary boıynsha aıyptalýshy 5 jyl 6 aı merzіmge bas bostandyǵynan aıyryldy. Jazasyn ol ortasha qaýіpsіzdіk mekemesіnde óteıdі.

Sot úkіmі ázіrge zańdy kúshіne engen joq.