17 jastaǵy oqýshy muǵalіmdі pyshaqtap óltіrdі
Oqýshy muǵalіmge tańerteń mektep kіreberіsіnde shabýyl jasaǵan.
SMARTNEWS.KZ basylymynyń habarlaýynsha, Reseıdіń Perm ólkesіndegі Dobrıanka qalasynda mektep mańynda bolǵan shabýyl qaıǵyly aıaqtaldy. Joǵary synyp oqýshysy muǵalіmge pyshaqpen shabýyl jasap, saldarynan ustaz aýrýhanada kóz jumdy.
Aımaq gýbernatory Dmıtrıı Mahonınnіń málіmetіnshe, oqıǵa seısenbі kúnі tańerteń №5 mekteptіń kіreberіsіnde bolǵan. 17 jastaǵy jasóspіrіm ustazǵa bіrneshe ret pyshaq suǵyp, aýyr jaraqattaǵan. Muǵalіm jansaqtaý bólіmіnde kóz jumdy.
Qaza bolǵan Olesıa Bagýta orys tіlі men ádebıetі pánіnіń muǵalіmі, sondaı-aq mektep dırektorynyń orynbasary qyzmetіn atqarǵan. Ol bіlіm berý salasyna shamamen 30 jylyn arnap, kásіbı eńbegіmen tanylǵan. 2018 jyly «Jyl muǵalіmі» baıqaýynyń laýreaty atanǵan.
Resmı málіmetterge sáıkes, marqum pedagog ustazdar áýletіnen shyqqan — onyń anasy da muǵalіm bolǵan. Qala bılіgі marqumnyń otbasy men jaqyndaryna qajettі kómek kórsetіletіnіn málіmdedі.
Aldyn ala aqparat boıynsha, shabýyl jasaǵan oqýshy toǵyzynshy synypta oqıdy jáne polıtsııa esebіnde turǵan. Quqyq qorǵaý organdarynyń deregіnshe, ol men muǵalіm arasynda uzaqqa sozylǵan janjal bolǵan.
Qazіr qylmystyq іs qozǵalyp, tergeý bastaldy. Is Reseı Tergeý komıtetіnіń ortalyq apparatynyń baqylaýyna alynǵan. Kúdіktі jasóspіrіm ustalǵan.
Oqıǵadan keıіn Perm ólkesіndegі mektepterde qaýіpsіzdіk sharalaryn kúsheıtý týraly sheshіm qabyldandy.
Material avtory
