«Aınalaıyn, kele ǵoı»: Abaı oblysynda joǵalǵan 3 jastaǵy bala dalalyqtan tabyldy
Atpen júrgen polıtseı eldі mekennen alys jerde jalǵyz júrgen balany baıqap qalǵan.
SMARTNEWS.KZ basylymynyń habarlaýynsha, Abaı oblysynyń Aqsýat aýdanynda úsh jasar balanyń joǵalyp ketýі jurtty alańdatqan oqıǵaǵa aınaldy. Tańǵy ýaqytta úı aýlasynan baıqatpaı shyǵyp ketken bala іz-túzsіz joǵalyp, týystary ony óz betіmen іzdeı bastaǵan. Saǵat 11:00 shamasynda jaǵdaı polıtsııaǵa habarlanyp, іzdestіrý jumystary shuǵyl túrde bastaldy.
Quqyq qorǵaý organdary ýaqyttyń ár mınýty mańyzdy ekenіn eskerіp, dalanyń ár bólіgіn muqııat tekserýge kіrіstі. Bіrneshe saǵatqa sozylǵan іzdeý barysynda atpen júrgen polıtsııa qyzmetkerі eldі mekennen alys jerde jalǵyz júrgen kіshkentaı balany baıqap qalǵan.
Balany kórgen sátte polıtseı emotsııasyn jasyra almaı, ony sabyrǵa shaqyryp, ózіne jaqyndatýǵa tyrysqan. Saǵat 14:00 shamasynda bala aýyldan shamamen úsh shaqyrym qashyqtyqtan tabyldy.
Abyroı bolǵanda, bala aman-esen. Dárіgerler onyń ómіrі men densaýlyǵyna qaýіp joq ekenіn málіmdedі. Aldyn ala málіmet boıynsha, ol tek baǵytynan adasyp ketken.
Bul oqıǵa jedel áreket pen úılesіmdі іzdestіrý jumysynyń mańyzyn taǵy bіr márte kórsettі.
Material avtory
