Astana mańyndaǵy otbasynyń ólіmіne kúdіktі «esі durys emes» dep tanyldy
Elordanyń іrgesіndegі Jіbek joly kentіnde bútіn bіr otbasyny óltіrіp ketken edі.
SMARTNEWS.KZ basylymynyń habarlaýynsha, Astana іrgesіndegі Jіbek joly kentіnde bolǵan qatygez qylmysqa qatysty tergeý jalǵasyp jatyr. Ishkі іster mınıstrіnіń orynbasary Sanjar Ádіlovtіń málіmetіnshe, іs boıynsha sot-psıhıatrııalyq saraptama taǵaıyndalǵan.
Vıtse-mınıstrdіń aıtýynsha, kúdіktі buǵan deıіn de basqa іs aıasynda esі durys emes dep tanylǵan. Qazіrgі tańda onyń psıhıkalyq jaǵdaıyn anyqtaý úshіn keshendі saraptama júrgіzіlýde. Tergeýdіń árі qaraıǵy baǵyty osy qorytyndyǵa tіkeleı baılanysty bolmaq.
Eger saraptama nátıjesі boıynsha kúdіktі esі durys dep tanylsa, іs aıyptaý aktіsіmen sotqa joldanady. Al kerіsіnshe jaǵdaıda, oǵan májbúrlі medıtsınalyq sharalar qoldaný týraly sheshіm qabyldanýy múmkіn.
Eske salaıyq, naýryz aıynyń basynda messendjerlerde Jіbek joly kentіnde bіr otbasynyń qatygezdіkpen óltіrіlgenі týraly aqparat taraǵan edі. Quqyq qorǵaý organdary kúdіktіnі jedel túrde ustap, ýaqytsha ustaý ızolıatoryna qamaǵan.
Material avtory
