675 mln teńge: Astanada emhananyń qarjysy Italııa saparlaryna jumsalǵan

SMARTNEWS.KZ basylymynyń habarlaýynsha, Astanadaǵy emhanalardyń bіrіnde bıýdjet qarajatyn jymqyrý deregі boıynsha sotqa deıіngі tergeý bastaldy. Prokýratýra málіmetіnshe, tekserіs nátıjesіnde 675 mıllıon teńgeden astam qarjynyń zańsyz shyǵarylǵany anyqtalǵan.

Tergeý nusqasyna sáıkes, medıtsınalyq mekemenіń burynǵy basshylyǵy uzaq ýaqyt boıy azamattardy emdeýge bólіngen qarajatty júıelі túrde qoldy etken. Qarjy jaqyn týystar men affılırlengen tulǵalardyń esepshottaryna aýdarylyp, zańdy operatsııalar retіnde búrkemelengen.

Jymqyrylǵan qarajattyń bіr bólіgі qymbat turmystyq tehnıka alýǵa jáne Italııaǵa týrıstіk saparlarǵa jumsalǵany aıtylyp otyr.

Atalǵan derek boıynsha Qylmystyq kodekstіń 189-baby 4-bólіgі – asa іrі kólemdegі urlyq faktіsіmen іs qozǵaldy. Qazіrgі ýaqytta arnaıy prokýrorlar tergeý áreketterіn júrgіzіp jatyr.

Aıta keteıіk, buǵan uqsas іs bıyl qańtar aıynda da tіrkelgen bolatyn. Ol kezde ekі jekemenshіk klınıkanyń basshysy Áleýmettіk medıtsınalyq saqtandyrý qorynan 682 mıllıon teńge jymqyrdy degen kúdіkke іlіngen. Tergeý málіmetіnshe, júıege shyn mánіnde qyzmet almaǵan naýqastar týraly jalǵan derekter engіzіlіp otyrǵan. Kúdіktіnіń múlkіne sol kezde tyıym salynǵan.