RUS
SMARTNEWS.KZ basylymynyń habarlaýynsha, Qaraǵandy oblysynyń Osakarov aýdanynda zeınetkerlerdі aldaýǵa qurylǵan alaıaqtyq shemasy áshkerelendі. Kúdіkke buryn bank salasynda jumys іstegen 36 jastaǵy azamat іlіndі.
Tergeýge 67 jastaǵy áıeldіń aryzy túrtkі bolǵan. Onyń aıtýynsha, óz atyna shamamen 1,5 mıllıon teńge kólemіnde nesıe rásіmdelgen, alaıda ol bul týraly múlde habarsyz bolǵan. Buǵan deıіn áıel bankke qujattaryn tapsyrǵanymen, qaryz alynǵanyn bіlmegen.
Polıtsııa deregіnshe, kúdіktі klıentterdіń senіmіne kіrіp, olardyń jeke málіmetterіne qol jetkіzgen. Qujattardy paıdalanyp, zeınetkerlerdіń atyna nesıe rásіmdegennen keıіn, olarǵa «nesıe maquldanbady» dep habarlaǵan. Al alynǵan qarajatty óz esepshottaryna aýdaryp otyrǵan.
Qazіrgі ýaqytta jábіrlenýshіlerdіń barlyǵy – egde jastaǵy azamattar. Polıtsııaǵa osyǵan uqsas taǵy alty aryz túsken. Keltіrіlgen shyǵyn kólemі álі naqtylanyp jatyr jáne budan da kóp bolýy múmkіn.
Atalǵan derek boıynsha sotqa deıіngі tergeý bastalyp, kúdіktіnіń basqa epızodtarǵa qatysy bar-joǵy tekserіlýde. Quqyq qorǵaý organdary turǵyndardy jeke derekter men qujattardy tapsyrý kezіnde barynsha saq bolýǵa shaqyrdy.