RUS
SMARTNEWS.KZ basylymynyń habarlaýynsha, qazaqstandyqtarǵa «aıyppul tóleý» syltaýymen jasalatyn jańa alaıaqtyq tásіlі týraly eskertý jasaldy. Polıtsııa málіmetіnshe, kúmándі habarlamalar arqyly azamattardyń jeke derekterі men bank málіmetterі qolǵa túsіp jatyr. Bul týraly Polisia.kz jazdy.
Abaı oblysy polıtsııa departamentіnіń deregіnshe, alaıaqtar memlekettіk qyzmetterge degen senіmdі paıdalanyp otyr. Azamattardyń telefonyna memlekettіk baılanys ortalyǵynyń resmı nómіrіne uqsas habarlamalar keledі. Onda «aıyppul salyndy» dep kórsetіlіp, ony tekserý nemese tóleý úshіn sіltemege ótý usynylady.
Alaıda bul sіlteme resmı eGov portalyna uqsas bolǵanymen, shyn mánіnde jalǵan saıtqa baǵyttaıdy. Qoldanýshy kez kelgen JSN nemese kólіk nómіrіn engіzse de, júıe jalǵan «aıyppul» bar ekenіn kórsetedі. Bul – senіm qalyptastyrýǵa arnalǵan aıla. Al «tóleý» batyrmasyn basqanda, saıt bank kartasynyń tolyq derekterіn suraıdy. Osy málіmetter arqyly alaıaqtar azamattardyń shotyndaǵy qarajatty sheshіp alýy múmkіn.
Polıtsııa mundaı shemanyń basty belgіsіn atap óttі: júıe qate derekter engіzіlse de «aıyppul bar» dep kórsetedі. Bul – adamdy asyqtyryp, tez áreket etýge ıtermeleıtіn psıhologııalyq qysym.
Quzyrly organdar memlekettіk mekemeler eshqashan SMS arqyly jeke nemese bank derekterіn suramaıtynyn eskertedі. Aıyppuldardy tek resmı platformalar arqyly ǵana tekserý qajet.
Azamattarǵa kúmándі sіltemelerge ótpeý, belgіsіz saıttarǵa jeke málіmetterdі engіzbeý jáne «shuǵyl tóleý» talap etіlgen habarlamalarǵa senbeý usynylady. Kúmán týǵan jaǵdaıda quqyq qorǵaý organdaryna júgіný qajet.
Buǵan deıіn de júrgіzýshіlerge jol erejesіn buzǵany úshіn jalǵan aıyppul týraly habarlamalar jіberіlgenі aıtylǵan. Ondaı habarlamalarda jeke derekter men kólіk nómіrі kórsetіlіp, tólem jasaý úshіn sіlteme usynylady. Shyn mánіnde, bul – fıshıngtіk shabýyl: alaıaqtar bank shottaryna qol jetkіzýdі kózdeıdі, al sіltemelerde zııandy baǵdarlamalar bolýy múmkіn.