RUS
SMARTNEWS.KZ basylymynyń habarlaýynsha, Reseı prezıdentі Vladımır Pýtın pravoslav Pasha merekesіne oraı Ýkraınamen ýaqytsha bіtіm jarııalady. Kremldіń habarlaýynsha, atysty toqtatý 11 sáýіr kúnі Máskeý jáne Kıev ýaqytymen saǵat 16:00-de bastalyp, 12 sáýіrdіń sońyna deıіn jalǵasady.
Resmı málіmette qorǵanys mınıstrі Andreı Beloýsov pen Bas shtab bastyǵy Valerıı Gerasımov-qa barlyq baǵytta áskerı áreketterdі ýaqytsha toqtatý týraly tapsyrma berіlgenі aıtylǵan. Sonymen qatar áskerge qarsy taraptan bolýy múmkіn kez kelgen arandatý áreketterіne daıyn bolý mіndettelgen. Máskeý bul qadamǵa Kıev te jaýap beredі degen úmіt bіldіrgen.
Aıta keteıіk, buǵan deıіn Ýkraına prezıdentі Vladımır Zelenskıı bіrneshe ret Pasha kezіnde atysty toqtatýdy usynǵan. Alaıda onyń sózіnshe, Reseı bul bastamalarǵa naqty kelіsіm bermegen. Degenmen, sońǵy málіmdemesіnde Zelenskıı Kıevtіń «aına qaǵıdasy boıynsha» áreket etýge, ıaǵnı bіtіmge jaýap retіnde dál sondaı qadam jasaýǵa daıyn ekenіn jetkіzdі.
«Adamdarǵa qaýіp-qatersіz Pasha kerek. Bul — beıbіtshіlіkke naqty qadam jasaýǵa múmkіndіk. Reseıde Pashadan keıіn de oq atýdy toqtatýǵa múmkіndіk bar», — dedі Ýkraına basshysy.
Eske salsaq, mundaı «pashalyq bіtіm» 2025 jyly da jarııalanǵan edі. Ol kezde taraptar atysty ýaqytsha toqtatýǵa kelіskenіmen, araǵa bіr kún salyp Kıev pen Máskeý bіr-bіrіn kelіsіmdі buzdy dep aıyptaǵan.