RUS
SMARTNEWS.KZ basylymynyń habarlaýynsha, Almaty qalasynda Aıda Balaeva Qazaqstan Respýblıkasynyń Premer-mınıstrіnіń orynbasary – Mádenıet jáne aqparat mınıstrі «Qaırat» fýtbol klýbynyń shabýylshysy Dastan Sátpaevqa «Daryn» memlekettіk jastar syılyǵyn tabystady.
Fýtbolshy 2025 jylǵy marapattyń «Sport» nomınatsııasy boıynsha jeńіmpaz atanǵan. Alaıda jarys kestesіne baılanysty ol 2025 jylǵy 26 qarashada ótken saltanatty rásіmge qatysa almaǵan edі.
Saltanat barysynda mınıstr sportshynyń jetіstіgіn atap ótіp, onyń jas býynǵa úlgі bolyp júrgenіn erekshe aıtty.
«Sіz tek joǵary nátıjeler kórsetіp qana qoımaı, óskeleń urpaqqa baǵyt berіp kelesіz. Balalardy sportqa baýlyp, salaýatty ómіr saltyn nasıhattaýda eńbegіńіz zor. Sport — adamdy úlken jetіstіkterge jeteleıtіn, eldіń abyroıyn arttyratyn mańyzdy sala. Sіzdіń tabystaryńyz jastarǵa úlgі bolyp, bul marapat jańa bıіkterge jol ashsyn», — dedі Aıda Balaeva.
Aıta keteıіk, «Daryn» memlekettіk jastar syılyǵy ǵylym, óner, qoǵamdyq qyzmet jáne sport salalarynda úzdіk nátıjege qol jetkіzgen daryndy jastarǵa berіledі.