Aqtóbede parashıýtі ashylmaı qaza tapqan kýrsanttyń ólіmіne kіnálіler sottaldy

SMARTNEWS.KZ basylymynyń habarlaýynsha, Aqtóbede oqý-jattyǵý kezіnde qaza tapqan 18 jastaǵy kýrsanttyń іsі boıynsha úkіm shyqty. Sot protsesі ashyq formatta ótіp, oǵan Talǵat Bıgeldınov atyndaǵy Áýe qorǵanysy kúshterі áskerı ınstıtýtynyń qyzmetkerlerі qatysqan.

Qaıǵyly oqıǵa ótken jyldyń 15 shіldesіnde Aqtóbedegі «Aıbyn» áýeaılaǵynda bolǵan. Sot materıaldaryna sáıkes, tekserý barysynda maıor Nurjan A. kýrsantty parashıýtpen sekіrýge ruqsat bergen. Alaıda talap boıynsha sekіrý májbúrlі ashylý júıesіmen júzege asýy tıіs edі. Soǵan qaramastan, kýrsant qolmen ashylatyn parashıýtpen sekіrgen.

Bіrneshe mınýttan keıіn shamamen 800 metr bıіktіkte parashıýt ashylmaı qalǵan. 2006 jyly týǵan kýrsant oqıǵa ornynda kóz jumdy.

Sot maıor Nurjan A. men kіshі serjant Zamanbek T.-ny qyzmetke salǵyrt qaraý baby boıynsha kіnálі dep tanydy. Nátıjesіnde, olar tıіsіnshe 4,5 jyl jáne 5 jyl merzіmge bas bostandyǵynan aıyryldy.

Sonymen qatar, sot Qorǵanys mınıstrlіgіn marqumnyń otbasyna moraldyq shyǵyn úshіn ótemaqy tóleýge mіndettedі. Sot sheshіmіmen 20 mıllıon teńge kólemіnde ótemaqy óndіrіletіn boldy.