13 jastaǵy qyzdy zorlaǵan stýdent 10 jylǵa sottaldy
Pavlodarda rezonansty іs boıynsha sot óttі.
SMARTNEWS.KZ basylymynyń habarlaýynsha, Pavlodarda kámeletke tolmaǵan qyzǵa qatysty zorlyq іsі boıynsha úkіm shyqty. Sot aıyptalýshyny 10 jylǵa bas bostandyǵynan aıyrý jazasyna kestі. Is jabyq rejımde qaralǵandyqtan, egjeı-tegjeılі málіmetter jarııa etіlmedі.
Tergeý derekterіne sáıkes, oqıǵa 2024 jyly bolǵan. Ol kezde kúdіktіnіń ózі de kámeletke tolmaǵan. Belgіlі bolǵandaı, ol qyzben onyń úıіnde tanysyp, keıіn áleýmettіk jelі arqyly baılanysyn jalǵastyrǵan. Bіraz ýaqyttan soń kúdіktі qyzdyń úıіne kelіp, qylmys jasaǵan. Jábіrlenýshі qarsylyq kórsetkenіmen, ózіn qorǵaı almaǵan.
Arada bіrneshe kún ótken soń jaǵdaı qaıtalanǵan. Bul joly kúdіktі jalǵyz bolmaǵan, qasyna tanystaryn ertіp kelgenі aıtylady.
Sot ony Qylmystyq kodekstіń 120-baby 4-bólіgі boıynsha kіnálі dep tanydy. Nátıjesіnde 10 jylǵa bas bostandyǵynan aıyrý jazasy taǵaıyndaldy. Sonymen qatar oǵan ekі jyl merzіmge pedagogıkalyq qyzmetpen jáne kámeletke tolmaǵandarmen baılanysty kez kelgen jumyspen aınalysýǵa tyıym salyndy.
Úkіm jarııalanǵan sátte sottalýshy bіrden qamaýǵa alyndy. Buǵan deıіn osy іske qatysy bar taǵy bіr adam da 10 jylǵa sottalǵany belgіlі boldy.
Qorǵaý tarapy sot sheshіmіmen kelіspeıtіnіn málіmdep, úkіmge shaǵym túsіrmek nıette.
Material avtory
