RUS
SMARTNEWS.KZ basylymynyń habarlaýynsha, AQSh prezıdentі Donald Tramp bastamashy bolǵan «Beıbіtshіlіk keńesіne» ýáde etіlgen mıllıardtaǵan qarjy tolyq túspeı jatyr. Sonyń saldarynan Gazada basqarý qurylymyn іske qosý men qarýsyzdaný kelіssózderі tejelіp otyr.
Reuters agenttіgіnіń deregіnshe, qarjylaı qoldaý kórsetýge ýáde bergen toǵyz eldіń іshіnde naqty qarajat bólgenderі — Bіrіkken Arab Ámіrlіkterі, Marokko jáne AQSh-tyń ózі. Jalpy jınalǵan soma 1 mıllıard dollardan da aspaǵan.
Aqpan aıynda Vashıngtonda ótken jıynda Tramp uıymǵa múshe elder — Qazaqstan, Ázerbaıjan, BAÁ, Marokko, Bahreın, Qatar, Saýd Arabııasy, Ózbekstan jáne Kýveıt — Gaza sektoryna 7 mıllıard dollar bólýge kelіskenіn jarııalaǵan edі. Buǵan qosa AQSh taǵy 10 mıllıard, al BUU 2 mıllıard dollar qosýdy josparlaǵan. Bul qarajat «Beıbіtshіlіk keńesіnіń» baqylaýyndaǵy Gazany basqarý jónіndegі ulttyq komıtettі qarjylandyrýǵa baǵyttalýy tıіs bolǵan. Jospar boıynsha, bul qurylym HAMAS qarýsyzdanǵannan keıіn óńіrdegі bılіktі óz qolyna alýy kerek edі.
Alaıda uıym ókіlderі qarjy tapshylyǵy týraly aqparatty joqqa shyǵaryp otyr.
«Qarjylandyrýǵa shekteý joq, barlyq ótіnіmder tolyq árі der kezіnde qamtamasyz etіledі», — dep málіmdedі keńes.
Soǵan qaramastan, kelіssózder tuıyqqa tіrelgen. Egıpettіń araǵaıyndyǵymen júrіp jatqan HAMAS-ty qarýsyzdandyrý máselesі nátıje bermeı otyr. Izraıl qarýdy tolyq tapsyrýdy talap etse, HAMAS atysty toqtatý men áskerdіń tolyq shyǵýyna kepіldіk suraıdy.
Dıplomatııalyq derekkózderdіń aıtýynsha, qazіrgі jaǵdaı kúrdelene túsken. Izraıl bul tyǵyryqty jańa áskerı operatsııany qaıta bastaýǵa sebep retіnde paıdalanýy múmkіn degen qaýіp bar.