Almatyda «Móldіr bulaq» ekologııalyq aktsııasyna 36 myńnan astam turǵyn qatysty
Qalanyń segіz aýdanynda bіr kúnde 2,5 myń tekshe metrden astam qaldyq shyǵaryldy.
2026 jyly 11 sáýіrde Almatyda «Taza Qazaqstan» respýblıkalyq baǵdarlamasy aıasynda jalpyqalalyq senbіlіkter uıymdastyryldy. Is-sharalar qalanyń ekologııalyq jaǵdaıyn jaqsartýǵa, sanıtarlyq mádenıettі arttyrýǵa jáne qalalyq ortany kórkeıtýge baǵyttaldy. Bul týraly qalanyń kommýnaldyq ınfraqurylym jáne turǵyn úı ınspektsııasy basqarmasynyń ókіlderі aıtty.
«Móldіr bulaq» ekologııalyq aktsııasy qalanyń segіz aýdanyndaǵy 23 nysandy qamtydy. Is-sharalarǵa 36 300 adam qatysyp, 365 bіrlіk arnaıy tehnıka jumyldyryldy.
Júrgіzіlgen jumystardyń nátıjesіnde 2590 tekshe metr qoqys pen qaldyq shyǵaryldy. Sonymen qatar, senbіlіk aıasynda 50 aǵash pen 700 buta egіlіp, bul qaladaǵy jasyl jelektі kóbeıtýge jáne ekologııalyq ahýaldy jaqsartýǵa yqpal ettі.
Ásіrese, Medeý jáne Alataý aýdandarynda qatysýshylar sany kóp, bul ekі aýdanda jalpy 15 myńnan astam adam senbіlіkke qatysty. Sondaı-aq, Bostandyq, Áýezov jáne Naýryzbaı aýdandarynda da tazalyq jumystary keń kólemde júrgіzіldі.
Jumystar qalanyń negіzgі aýmaqtaryn qamtydy: Úlken Almaty, Esentaı jáne Qarasý ózenderіnіń jaǵalaýlary, aýla aýmaqtary, saıabaqtar men qoǵamdyq keńіstіkter tazartyldy. Ásіrese, aryq júıelerіn, jasyl aımaqtardy jáne turǵyndar kóp jınalatyn oryndardy tazalaýǵa erekshe kóńіl bólіndі.
