Adamdardy sıyrmen salystyrǵan «ustaz» aıyppul arqalady
Áleýmettіk jelіdegі vıdeo qoǵamda úlken rezonans týdyryp, quzyrly organdardyń nazaryn aýdardy.
SMARTNEWS.KZ basylymynyń habarlaýynsha, Almatyda áleýmettіk jelіde daýly málіmdeme jasaǵan ózіn «ustaz» dep tanystyratyn bloger ákіmshіlіk jaýapkershіlіkke tartyldy. Almaty qalasy dіn іsterі jónіndegі basqarmasynyń málіmetіnshe, Nurjan Smaǵulov adamdardy qorlaıtyn sıpattaǵy sózder aıtqany úshіn jazalanǵan.
Belgіlі bolǵandaı, bloger Instagram paraqshasynda jarııalaǵan vıdeosynda adamdardy sıyrmen salystyrǵan. Bul málіmdeme qoǵamda narazylyq týǵyzyp, quzyrly organnyń nazaryn aýdardy.
Tekserý nátıjesіnde basqarma qyzmetkerlerі onyń áreketіn qorlaıtyn sıpattaǵy pіkіr retіnde baǵalap, Ákіmshіlіk quqyqbuzýshylyq týraly kodekstіń 490-baby boıynsha hattama toltyrǵan.
Sot sheshіmіmen Nurjan Smaǵulov kіnálі dep tanylyp, 25 aılyq eseptіk kórsetkіsh kólemіnde aıyppul salyndy. Bul — 108 125 teńge.
Dіn іsterі jónіndegі basqarma azamattardy zań talaptaryn saqtaýǵa jáne ózge adamdardyń kózqarasyna qurmetpen qaraýǵa shaqyrdy.
Aıta keteıіk, buǵan deıіn Májіlіste ınternettegі destrýktıvtі dіnı nasıhat úshіn jaýapkershіlіktі kúsheıtý máselesі kóterіlgen bolatyn. Depýtat Ermurat Bapı Bas prokýratýraǵa joldaǵan saýalynda daýly podkastqa qatysty pіkіr bіldіrgen edі.
Material avtory
