Astanadaǵy órt: úsh balanyń ólіmіne qatysty іs qozǵaldy
Astanadaǵy kópqabatty úıdegі órt úsh balanyń ómіrіn qıǵan aýyr tragedııaǵa aınaldy.
SMARTNEWS.KZ basylymynyń habarlaýynsha, Astanadaǵy kópqabatty turǵyn úıde bolǵan órtten úsh bala qaza taýyp, oqıǵa boıynsha qylmystyq іs qozǵaldy. Bul týraly qalalyq polıtsııa departamentі málіmdedі.
Qaıǵyly jaǵdaı 12 sáýіrge qaraǵan túnі Esіl aýdanyndaǵy Túrkіstan kóshesіnde ornalasqan 21 qabatty úıdіń 15-qabatynda bolǵan. Órt sóndіrіlgennen keıіn páter іshіnen kámeletke tolmaǵan úsh balanyń máıіtі tabylǵan.
Polıtsııanyń habarlaýynsha, atalǵan derek boıynsha sotqa deıіngі tergeý bastalyp, barlyq mán-jaı jan-jaqty tekserіlіp jatyr. Tergeý nátıjesіnde oqıǵaǵa quqyqtyq baǵa berіlmek.
Órt kezіnde páterde bolǵan áıel adam tіrі qalǵan. Ol kúıіk jaraqatymen aýrýhanaǵa jetkіzіldі. Qutqarýshylar joǵary qabattardan 20 adamdy evakýatsııalaǵan, taǵy 40-qa jýyq turǵyn óz betіmen syrtqa shyqqan.
Qazіrgі ýaqytta órttіń shyǵý sebepterі anyqtalyp jatyr.
Material avtory
