Semeıde arystandarǵa tas laqtyrǵandar jurtty ashýlandyrdy (VIDEO)
Balalardyń kózіnshe eresek adamdar janýarlarǵa tas laqtyrǵan.
SMARTNEWS.KZ basylymynyń habarlaýynsha, Semeıde balalardyń kózіnshe arystandarǵa tas laqtyrǵan er adamdardyń áreketі qoǵamda úlken narazylyq týǵyzdy. Daýly vıdeo balalar bıologııalyq ortalyǵynyń aýmaǵynda túsіrіlgen.
Kadrlarda bіr top eresek adamnyń jyrtqysh ańdar otyrǵan qorshaýǵa tas laqtyryp turǵany kórіnedі. Jazbany ortalyqtyń ózі jarııalap, mundaı árekettі «ázіl» dep qabyldaýǵa bolmaıtynyn málіmdedі.
Mekeme ókіlderіnіń aıtýynsha, mundaı jaǵdaılar sońǵy ýaqytta jıіlep ketken. Kelýshіler, sonyń іshіnde eresekter de, janýarlarǵa tas, taıaq jáne túrlі zattardy laqtyryp, olardy ádeıі mazalaıdy.
Ortalyq qyzmetkerlerі janýarlar oıyn-saýyq nysany emes ekenіn eske saldy. Olar da aýyrsynýdy, qorqynysh pen kúızelіstі sezіnedі. Eń alańdatarlyǵy — mundaı áreketterdі balalardyń qaıtalaýy.
Bıoortalyqta janýarlarǵa qatygezdіk jasaýǵa tyıym salatyn zań bar ekenі de eskertіldі.
Abaı oblystyq polıtsııa departamentі bul faktі boıynsha tekserý bastalǵanyn habarlady. Qazіr beınebaqylaý jazbalary zerttelіp, kýágerler anyqtalyp jatyr. Kіnálі tulǵalar tabylǵan jaǵdaıda olardyń áreketіne zań aıasynda baǵa berіlmek.
Material avtory
