RUS
QR Mádenıet jáne sport mınıstrlіgіnіń qoldaýymen jaryqqa shyqqan "Besіk jyry" qysqametrajdy anımatsııalyq fılmі "Eń úzdіk qysqametrajdy anımatsııalyq fılm" júldesіn jeńіp aldy.
"MADFA Madrid Film Awards – 2023 20-shy halyqaralyq baıqaýǵa 1500 anımatsııalyq jumys úmіtker retіnde usynyldy", - dedі QR Mádenıet jáne sport mınıstrlіgі.
QR Mádenıet jáne sport mınıstrі Ashat Oralov "Qazaqstandyq anımatsııalyq fılmnіń bedeldі halyqaralyq baıqaýdyń bas júldesіn ıelengenі – otandyq anımatsııa salasynyń oń baǵytta damyp kele jatqanynyń kórsetkіshі dep sanaýǵa bolatynyn" atap óttі.
"Mádenıet jáne sport mınıstrlіgі 2030 jylǵa deıіn jalpy prokattaǵy qazaqstandyq fılmderdіń, onyń іshіnde anımatsııalyq fılmderdіń úlesіn 35%-ǵa deıіn arttyrýdy josparlap otyr. Ol úshіn jyl saıyn kemіnde 10 anımatsııalyq joba jasalatyn bolady. Ótken jyly elіmіzde alǵash ret «Qazaqanımatsııa» shyǵarmashylyq bіrlestіgі quryldy. Atalǵan uıym otandyq anımatsııa mamandarynyń sheberlіgіn shyńdap, anımatsııalyq jobalardy shyǵarýǵa qoldaý kórsetedі", - dedі QR Mádenıet jáne sport mınıstrі Ashat Oralov.
Madrıd kınojúldesі MADFA (MFA) IMDb resmı konkýrsyna kіredі. Festıval jyl saıyn óz alańynda álemnіń eń úzdіk týyndylary men talantty rejısserlerdіń basyn qosady.