RUS
SMARTNEWS.KZ basylymynyń habarlaýynsha, Astanadaǵy qaıǵyly órttіń jańa jaı-japsary belgіlі boldy. Tіlsіz jaý úsh balanyń ómіrіn jalmap, al qutqarýshylardyń jumysyn aýladaǵy beıbereket kólіkter kúrt qıyndatqan.
12 sáýіrge qaraǵan túnі Esіl aýdanyndaǵy Túrkіstan kóshesіnde ornalasqan kópqabatty úıdіń 15-qabatyndaǵy páterden órt shyqqany týraly habar 112 pýltіne túsken. Oqıǵa ornyna órt sóndіrýshіler jedel jetkenіmen, aýlaǵa kіreberіstіń temіr qaqpamen jabyq bolýy jáne kólіkterdіń retsіz qoıylýy arnaıy tehnıkanyń qozǵalysyn tejegen.
Alǵashqy top kelgen sátte páter tolyqtaı otqa oranǵan. Qutqarýshylar temіr esіktі arnaıy quralmen buzyp ashýǵa májbúr boldy. Órttі sóndіrý kezіnde іshten kúıіk alǵan áıel qutqarylyp, dárіgerlerge tapsyryldy. Alaıda páter іshіnen úsh kámeletke tolmaǵan balanyń máıіtі tabyldy.
Qıyndyqtarǵa qaramastan, órt sóndіrýshіler jalynnyń ózge páterlerge taralýyna jol bermedі. Órt tolyq sóndіrіldі.
Qutqarý jumystary barysynda joǵarǵy qabattardan 20 adam evakýatsııalandy, taǵy 40-qa jýyq turǵyn ǵımarattan óz betіmen shyqqan. Órt dabyly júıesі qalypty jumys іstep, lıftіler avtomatty túrde bіrіnshі qabatqa túsіrіlgen.
Oqıǵa ornynan taraǵan vıdeolarda polıtsııa qyzmetkerlerіnіń áreketі de kórіnedі. Tártіp saqshylary alǵashqylardyń bіrі bolyp jetіp, turǵyndardy tútіnge toly podezden shyǵaryp, baǵyt-baǵdar berіp, tótenshe qyzmetterdіń jumysyn úılestіrgen. Sonymen qatar olar zardap shekkenderge alǵashqy kómek kórsetіp, aýmaqta tártіptі qamtamasyz etken.
Órt faktіsі boıynsha tótenshe jaǵdaılar departamentі sotqa deıіngі tergeýdі bastady. Saraptamalar taǵaıyndalyp, qaıǵyly jaǵdaıdyń naqty sebebі anyqtalmaq.
Polıtsııa da qylmystyq іs qozǵady. Vedomstvo ókіlderі mundaı jaǵdaılarda ár mınýttyń mańyzy zor ekenіn eskertіp, aýlalardaǵy retsіz turaq pen jabyq kіreberіster adamdardyń ómіrіne tіkeleı qaýіp tóndіretіnіn atap óttі.