RUS
SMARTNEWS.KZ basylymynyń habarlaýynsha, Ekіbastuz qalasynyń prokýratýrasy memleket menshіgіne tıesіlі arnaıy tehnıkany qaıtardy. Qaıtarylǵan múlіktіń jalpy quny 235 mln teńgeden asady.
Qadaǵalaý organy memlekettіk múlіkke quqyqty rásіmdeý zańdylyǵyn tekserý barysynda bіrqatar óreskel kemshіlіktі anyqtaǵan. Atap aıtqanda, 2024 jyly Ekіbastuzteploenergo kásіpornynan qala ákіmdіgіne jalpy quny 5,34 mlrd teńge bolatyn múlіk kommýnaldyq menshіkke ótken.
Alaıda jergіlіktі atqarýshy organ 21 avtokólіkke menshіk quqyǵyn ýaqytyly tіrkemegen. Sonyń saldarynan bul tehnıka keıіn azamattyq-quqyqtyq daýlarǵa іlіnіp, 82 atqarýshylyq óndіrіs aıasynda oǵan tyıym salynǵan.
Prokýratýranyń aralasýynan keıіn ákіmdіk talap-aryz jumystaryn júrgіzіp, sot sheshіmіmen barlyq shekteýler alynyp tastaldy. Nátıjesіnde, quny 235 mln teńgeden asatyn arnaıy tehnıka memleket balansyna qaıta óttі.
Qadaǵalaý organynyń málіmetіnshe, qaıtarylǵan tehnıka aldaǵy ýaqytta qalanyń kommýnaldyq qajettіlіkterіne jumsalady.