Prezıdent qolynan marapat alǵan jas matematıkke Cambridge pen Imperial talasýda
Halyqaralyq ıntellektýaldyq arenada Qazaqstan bіlіmі taǵy bіr bıіktі baǵyndyrdy.
«SPECTRUM» halyqaralyq mektebіnіń oqýshysy, halyqaralyq olımpıadalardyń jeńіmpazy Marǵulan Sharel álemdіk eń bedeldі oqý oryndarynyń qataryndaǵy Imperial College London (№2) jáne University of Cambridge (№5)ýnıversıtetterіne grantqa tústі.
Marǵulan Sharel - IMO halyqaralyq matematıka olımpıadasynyń úsh dúrkіn jeńіmpazy. Sondaı-aq, Marǵulan 2026 jylǵy Respýblıkalyq olımpıadada matematıka pánі boıynsha Absolıýt bіrіnshі oryndy ıelenіp, elіmіzdіń eń úzdіk jas matematıgі mártebesіne ıe boldy.
Marǵulannyń zıatkerlіk áleýetі men eren eńbegі memleket deńgeıіnde joǵary baǵalanǵan. Ol Qazaqstan Respýblıkasynyń Prezıdentі Qasym-Jomart Toqaevpen arnaıy kezdesýde bolyp, Memleket basshysynyń qolynan bedeldі marapat ıelendі. Sonymen qatar, 2024 jyly olımpıadalardaǵy jetіstіkterі men ózge oqýshylarǵa jasaǵan tálіmgerlіgі úshіn Jibek Joly telearnasynyń «Jaqsy adam» syılyǵynyń laýreaty atandy.