RUS
Úkіmet qaýlylarynda Indýstrııa jáne ınfraqurylymdyq damý mınıstrі Marat Qarabaev jeńіldetіlgen avtonesıe baǵdarlamasy týraly aıtty. Ol bul protsess qoǵam talap etkendeı ashyq júrіp jatqanyn málіmdedі.
"Avtosalondar men bankterde kezek turǵanda qoǵam talap ettі. Kezek qanshalyqty adal júrіp jatyr degen suraq týyndady. Ony joqqa shyǵarý úshіn bіz ony onlaın jasadyq, tsıfrlandyrdyq. Bul qoǵamnyń jáne BAQ-tyń talaby, suranysy boldy".
Marat Qarabaev
Sonymen qatar ol baǵdarlamaǵa kólіgі barlar qatysa almaıtynyn basa aıtty. Mınıstr jeńіldetіlgen avtonesıe mehanızmі aı saıyn jumys іsteıtіnіn qosa kettі.
"Qazіr aı saıyn shamamen mıllıard teńge qaıtarylady. Bul qarajat 100 kólіkke jetedі. Endі bіz mynadaı mehanızmdі qarastyryp jatyrmyz: qarajat 500-ge jýyq kólіkke jetken soń іske qosamyz, ıaǵnı bul degenіmіz 5 mıllıard jáne odan da kóp qarajat. Bіz bіr aıda taǵy bіr mıllıard jınaımyz, sodan keıіn baǵdarlamany taǵy da onlaın túrde jarııalaımyz. Bul - eń ashyq mehanızm", - dedі Marat Qarabaev.
Mınıstr baǵdarlamaǵa tórt baǵyt boıynsha túzetýler engіzіletіnіn aıtty.
Alǵashqy jarna – avtokólіk somasynyń 15%-y.
Avtokólіktі alǵandardyń aty-jónі týraly habarlandyrý.
Avtokólіk brendterіn qaıta qaraý múmkіndіgі.
Qatysýshylar úshіn jalaqy shegіn ornatý múmkіndіgі.