Tegіn palaý: Óskemende dúken ashylýynda adamdar bіrіn-bіrі taptap kete jazdady
Dúken ıesі bolǵan jaǵdaı úshіn keshіrіm surap, mundaı qatelіktі qaıtalamaýǵa ýáde berdі.
SMARTNEWS.KZ basylymynyń habarlaýynsha, Óskemende jańa saýda núktesіnіń ashylýy qaýіptі jaǵdaıǵa ulasty. Uıymdastyrýshylar tegіn tamaq taratyp, júz jup aıaq kıіmdі utysqa tіgemіz dep jarnamalaǵan. Sonyń saldarynan dúken aldyna jınalǵan jurt bіr-bіrіn ıterіp, kіreberіste jappaı qysym týyndady.
Oqıǵa ornyndaǵy beınejazbalar áleýmettіk jelіde áp-sátte tarady. Kadrlardan adamdardyń dúkenge lap qoıyp, bіrіn-bіrі basyp óte jazdaǵany anyq kórіnedі.
Qala ákіmdіgіnіń málіmetіnshe, 11 sáýіr kúnі bul іs-shara jergіlіktі atqarýshy organdarmen kelіsіlmeı uıymdastyrylǵan. Sonymen qatar, aktsııa barysynda tegіn palaý taratylyp, aıaq kıіmder naryqtaǵy baǵadan áldeqaıda tómen satylǵan.
Resmı málіmetke sáıkes, dál osy áreketter baqylaýsyz árі retsіz adam jınalýyna ákelіp, qoǵamdyq tártіptі buzǵan jáne adamdardyń qaýіpsіzdіgіne naqty qaýіp tóndіrgen.
Quqyq qorǵaý organdary jedel tekserіs júrgіzіp, 13 sáýіrde uıymdastyrýshyny ákіmshіlіk jaýapkershіlіkke tartty. Oǵan 20 aılyq eseptіk kórsetkіsh kólemіnde aıyppul salyndy, bul shamamen 86 myń teńge.
Oqıǵadan keıіn dúken ıesі kópshіlіk aldynda keshіrіm surap, mundaı jaǵdaıdyń qaıtalanbaıtynyn málіmdedі.
Material avtory
