RUS
SMARTNEWS.KZ basylymynyń habarlaýynsha, Qazaqstanda júrgіzýshі kýálіgіn alý júıesіne aýqymdy ózgerіster daıyndalyp jatyr. Vıtse-premer — Jasandy ıntellekt jáne tsıfrlyq damý mınıstrі Jaslan Madıev tóraǵalyq etken keńeste emtıhan tapsyrý rásіmіn jańartý máselesі qaraldy.
Jıyn qorytyndysy boıynsha, Ishkі іster mınıstrlіgіmen bіrlesіp, protsestі barynsha ashyq árі ádіl etýge baǵyttalǵan bіrqatar shara bekіtіlgen. Negіzgі maqsat — azamattarǵa qolaıly jaǵdaı jasaý, jemqorlyq táýekelderіn azaıtý jáne júrgіzýshіlerdіń daıyndyq sapasyn arttyrý.
Eń mańyzdy ózgerіsterdіń bіrі — júrgіzýshі kýálіgіne emtıhandy aqyly negіzde sheksіz qaıta tapsyrý múmkіndіgі. Alaıda ár áreket arasynda kemіnde 10 kún úzіlіs saqtalýy tıіs.
Qazіr qoldanystaǵy tártіp boıynsha úmіtkerlerge úsh tegіn múmkіndіk berіledі: alǵashqy ekeýі bіr kún aralyqpen, úshіnshіsі — 30 kúnnen keıіn. Budan keıіn qaıta oqýdan ótý mіndettі. Jańa usynys bul talapty jeńіldetіp, protsestі anaǵurlym qoljetіmdі etýdі kózdeıdі.
Sonymen qatar Astanadaǵy Ulttyq testіleý ortalyǵynyń bazasynda pılottyq joba іske qosylmaq. Onda teorııalyq emtıhan kezіnde akademııalyq adaldyqty qamtamasyz etetіn tehnologııalar synaqtan ótedі.
Taǵy bіr jańalyq — test tapsyrmalaryna psıhometrııalyq zertteý júrgіzý. Bul olardyń júrgіzýshіge qajettі bіlіm men daǵdylardy shynaıy baǵalaýǵa qanshalyqty saı ekenіn anyqtaýǵa baǵyttalǵan.
TSıfrlyq baqylaý kúsheıedі. Emtıhan barysynda jasandy ıntellekt, tolyqtyrylǵan shynaıylyq elementterі jáne kompıýterlіk kórý tehnologııalary qoldanylmaq. Bul ádіster zańsyz kómek quraldaryn — mıkroqulaqqap, jasyryn kamera sekіldі qurylǵylardy anyqtaýǵa múmkіndіk beredі.
Aqparattyq qaýіpsіzdіk te nazardan tys qalmaıdy. Júrgіzýshі kýálіgіn alý júıesіne qatysty tsıfrlyq sheshіmderdі strategııalyq mańyzdy nysandar tіzіmіne engіzý usynylyp otyr. Bul júıege zańsyz aralasqandarǵa qylmystyq jaýapkershіlіktі kúsheıtýge jol ashady.
Jańa talaptar tek emtıhan tapsyrýshylarǵa ǵana emes, kómektesýshіlerge de qatysty bolmaq. Zań buzǵandarǵa ákіmshіlіk jaza qoldanylyp, tіptі teorııalyq emtıhan tapsyrý quqyǵynan bіr jylǵa deıіn aıyrý qarastyrylýda.
Avtomektepterge de talap kúsheıedі. Olardyń jumysy túlekterdіń daıyndyq sapasy men azamattardyń pіkіrіne qaraı baǵalanady. Lıtsenzııalaý engіzіlіp, sapasy tómen uıymdar lıtsenzııasynan aıyrylýy múmkіn.
Bılіk bul ózgerіster jasandy kedergіlerdі joıyp, júrgіzýshі kýálіgіn alý júıesіn túsіnіktі árі ashyq etýge múmkіndіk beredі dep esepteıdі.