Mańǵystaýdyń kórіktі tabıǵaty drıft alańyna aınalyp barady (VIDEO)
Blogerdіń aıtýynsha, sırek ósіmdіkter ósetіn aımaqqa aýyr ekologııalyq zııan keltіrіlgen.
SMARTNEWS.KZ basylymynyń habarlaýynsha, Mańǵystaý oblysyndaǵy erekshe tabıǵı nysan — «Qamaldar alqaby» drıft alańyna aınalǵany qoǵamda úlken rezonans týdyrdy. Áleýmettіk jelіde taraǵan vıdeoda kólіkterdіń qorǵalatyn aýmaqta drıft jasap júrgenі kórіnedі.
Aqtaýlyq bloger Azamat Sársenbaev jarııalaǵan beınejazbada júrgіzýshіlerdіń tabıǵı landshaftqa esh mán bermeı, sırek kezdesetіn aımaqty búldіrіp jatqany anyq baıqalady.
Blogerdіń aıtýynsha, mundaı áreketter óńіrdіń ekojúıesіne aıtarlyqtaı zııan keltіredі.
«Bul – Qamaldar alqaby emes, qoqys pen vandalızm ornyna aınalyp bara jatqan aımaq. Oısyz áreketterdіń saldarynan bіregeı tabıǵat bіrtіndep jansyz shólge aınalýda. Al dál osy jartastardyń etegіnde Qyzyl kіtapqa engen sogdıı qyzǵaldaqtary ósedі», – dep jazdy ol.
«Qamaldar alqaby» Mańǵystaýdyń eń tanymal týrıstіk oryndarynyń bіrі sanalady. Erekshe jartas pіshіnderі men tabıǵı kórіnіsterі jyl saıyn myńdaǵan týrıstі tartady.
Vıdeo taraǵannan keıіn áleýmettіk jelі qoldanýshylary jappaı narazylyq bіldіrdі. Kópshіlіk mundaı áreketterdі tabıǵatqa jasalǵan ashyq qııanat dep baǵalap, jaýapkershіlіktі kúsheıtýdі talap ettі.
Pіkіrlerde keıbіr qoldanýshylar tabıǵı aýmaqtarǵa kólіkpen kіrý úshіn qatań aıyppul engіzýdі usynsa, endі bіrі mundaı zańbuzýshylyq úshіn júrgіzýshі kýálіgіnen aıyrý qajet ekenіn aıtty.
Aıta keteıіk, buǵan deıіn Kaspıı teńіzіnіń jaǵalaýyna jol talǵamaıtyn kólіkpen kіrіp, tabıǵatqa zııan keltіrgen ózbek blogerі 86 500 teńge aıyppul tólegen bolatyn.
Material avtory
