Toyota Camry úshіn kіsі óltіrgen: Aqtóbedegі rezonansty іs boıynsha úkіm ózgerіssіz qaldy

SMARTNEWS.KZ basylymynyń habarlaýynsha, Aqtóbede bolǵan qatygez kіsі óltіrý іsі boıynsha sot túpkіlіktі sheshіm shyǵardy. Kasssatsııalyq sot buǵan deıіngі úkіmdі zańdy árі negіzdі dep tanyp, ózgerіssіz qaldyrdy.

Sottalǵan azamat jazasyn 22 jyl bas bostandyǵynan aıyrý túrіnde óteýdі jalǵastyrady.

Qaıǵyly oqıǵa 2024 jyldyń 9 maýsymynda bolǵan. Aqtóbe turǵyny ózіn kólіk satyp alýshy retіnde tanystyryp, Toyota Camry avtokólіgіn satpaq bolǵan áıelmen kezdesýdі aldyn ala kelіsedі.

Kólіktі «qarap shyǵý» syltaýymen ol áıeldі adam az jerge alyp barǵan.

Sot materıaldaryna sáıkes, er adam jábіrlenýshіge shabýyl jasap, ony qaýіpsіzdіk beldіgіmen tunshyqtyryp óltіrgen.

Odan keıіn qylmys іzіn jasyrý maqsatynda marqumnyń betіn pyshaqpen zaqymdap, onyń kіm ekenіn tanýdy qıyndatýǵa tyrysqan. Qylmysker altyn alqany alyp, máıіttі butalardyń arasyna tastap, urlanǵan kólіkpen qashyp ketken.

Sot aıyptalýshy taraptyń ýájderіn qabyldamaı, dálelder jetkіlіktі ekenіn atap óttі. Is boıynsha:

– marqumnyń jeke zattary men kólіk aıyptalýshydan tabylǵan;
– beınebaqylaý kameralary onyń áreketterіn tіrkegen;
– jábіrlenýshі shabýyl kezіnde «112» qyzmetіne qońyraý shalǵan;
– DNQ saraptamasy er adamnyń qylmys ornynda bolǵanyn rastaǵan.

Qorǵaý tarapy іstі qaıta qaraýdy surap, tergeý barysynda zańbuzýshylyqtar bolǵanyn jáne qysym jasalǵanyn alǵa tartqan.

Alaıda sot bul ýájderdі dálelsіz dep taýyp, úkіmdі qaıta qaraýǵa negіz joq ekenіn málіmdedі.

Osylaısha, sottalýshy tonaý jáne kіsі óltіrý qylmystary úshіn belgіlengen jazasyn tolyq óteıtіn bolady.