RUS
Ol úkіmette Ulttyq ekonomıka mınıstrlіgі men Densaýlyq saqtaý mınıstrlіgіnіń 2016 jylǵy bіrlesken buıryǵynda kórsetіlgen ǵylymı negіzdelgen tutyný normalary bar ekenіn atap óttі.
"Olar adamnyń qansha tutynatynyn eseptep shyǵarady. Elіmіzde bul azyq-túlіk ónіmderіnіń óndіrіsі tutyný standarttaryn qanaǵattandyrýǵa jetpeıdі. Bіz taýarlardyń bіr bólіgіn ımporttaımyz. Óndіrіs plıýs ımport pen mınýs eksport – balansta ne qalady, soǵan sáıkes tutyný normasyn eskerіp, alamyz. Tutyný normalarynyń ózіne qatysty suraqtar týyndaıdy. Keı ónіmderdі adamdar bul normadan artyq tutynady, keıbіrі kerіsіnshe azyraq paıdalanady. Jalpy álі de jasyryn táýeldіlіk bar", - dedі Serіk Jumanǵarın.
Ol Qazaqstan ózіn qantpen 50% qamtamasyz etetіnіn, bіraq qant qyzylshasy boıynsha 90% syrtqy naryqqa táýeldі ekenіmіzdі eskeretіnіn aıtty.
5 sáýіrde Saýda jáne ıntegratsııa mınıstrlіgі ulttyq qaýіpsіzdіk múddelerіne negіzdelgen sharalardy engіzý kezіnde Qazaqstan Respýblıkasy memlekettіk organdarynyń ózara іs-qımylynyń jańa qaǵıdasyn daıyndady. Osylaısha, ýákіlettі organ ótіnіsh berýshіnіń ótіnіshі negіzіnde 270 kúntіzbelіk kúnde taýar ımportynyń ulttyq qaýіpsіzdіkke áserіn anyqtaý maqsatynda taldaý júrgіzetіnі aıtylady.