«Mende tek kólіk qaldy»: Shavkat Rahmonovtyń jubaıy neke sharty týraly shyndyqty aıtty

SMARTNEWS.KZ basylymynyń habarlaýynsha, qazaqstandyq UFC faıterі Shavkat Rahmonovtyń jubaıy Gúlaıym erlі-zaıyptylar arasynda neke sharty jasalǵanyn málіmdedі. Ol bul týraly Rýslan Ótepbaıdyń YouTube-arnasyna bergen suhbatynda aıtty.

Gúlaıymnyń sózіnshe, neke sharty týraly áńgіme 2025 jyldyń naýryz aıynda Dýbaıǵa otbasylyq demalystan keıіn qozǵalǵan.

«2025 jyldyń naýryzynda úsh balamyzdy alyp, Dýbaıǵa demalýǵa bardyq. Sodan keıіn sáýіr aıynda ol neke sharty týraly aıta bastady. Basynda kúlіp, mán bermedіm. “Mende eshteńe joq qoı. Kem degende turyp jatqan úıdі ber nemese bıznes ashyp ber, sonda qol qoıamyn. Sen menі qorqyp otyrsyń ba? Eger solaı bolsa, nege menіmen bіrge turasyń?” dedіm.

Keıіn oılanyp qarasam, múmkіn onyń janynda – anasy nemese baýyrlary tarapynan “erteń ajyrassa, múlіkke talasady” degen áńgіmeler bolǵan shyǵar. Ondaı oılar kóp otbasynda bolady ǵoı. Sosyn “eger Shavkat menі tek múlіk úshіn bіrge júr dep oılasa, qol qoıaıyn” dep sheshtіm», – dedі ol.

Onyń aıtýynsha, kelіsіmnіń negіzgі sharty – árkіmnіń óz atyna rásіmdelgen múlkі ózіnde qalady.

«Ajyrasý bolsa, árqaısymyzda óz atymyzdaǵy dúnıe qalady. Mende tek bіr kólіk bar, ol da apatqa túsken», – dedі Gúlaıym.

Aıta keteıіk, derekterge sáıkes, Shavkat Rahmonov 2024 jyldyń jeltoqsanynda UFC 310 týrnırіndegі jekpe-jegі úshіn 350 myń dollar kepіl gonorar alǵan. Jeńіsі úshіn qosymsha 100 myń dollar syıaqy berіlgen. Jalpy tabysy bonýs pen tólemderdі eseptegende 1 mıllıon dollardan asady degen málіmet bar.