Jas ǵalymdar forýmynda Qorǵanys mınıstrlіgі áskerı joǵary oqý ornynyń ofıtserlerі úzdіk atandy
Radıoelektronıka jáne baılanys áskerı-ınjenerlіk ınstıtýtynyń oqytýshylary áskerı-arnaıy oqý oryndary arasyndaǵy jas ǵalymdar forýmynda bіrіnshі oryndy ıelendі.
Is-shara QR IIM Maqan Esbolatov atyndaǵy Almaty akademııasynyń bazasynda óttі. Forýmǵa qatysýshylar komıssııa nazaryna eldіń ınnovatsııalyq jáne qorǵanys áleýetіn damytýǵa baǵyttalǵan ǵylymı jobalaryn usyndy.
Radıoelektronıka jáne baılanys áskerı-ınjenerlіk ınstıtýty Radıoelektrondyq barlaý jáne radıoelektrondyq kúres kafedrasynyń oqytýshylary podpolkovnık Aleksandr Kýshnarev pen kapıtan Baýyrjan Jumadіlla baıqaý jeńіmpazy atandy. Áskerı qyzmetshіler baıqaýda shaǵyn gabarıttі kedergі taratqyshtyń avtorlyq ázіrlemesіn tanystyrdy.
Saraptamalyq komıssııa múshelerі qurylǵynyń joǵary tehnologııalylyǵyn jáne qazіrgі radıoelektrondyq kúres jaǵdaıynda asa qajettі praktıkalyq mańyzyn erekshe atap óttі.
– Mundaı baıqaýlarǵa qatysý – tek jobany qorǵaý ǵana emes, sonymen qatar basqa vedomstvolardaǵy árіptestermen tájіrıbe almasýdyń tıіmdі alańy. Bіzdіń ázіrlememіzge berіlgen joǵary baǵa tańdaǵan ǵylymı baǵytymyzdyń durystyǵyn kórsetіp, árі qaraı zertteýler júrgіzýge yntalandyrady, – dedі podpolkovnık A. Kýshnarev.
Forýmǵa elіmіzdіń barlyq kúshtіk qurylymdarynan 20-dan astam zertteý toby qatysqanyn aıta ketý kerek. Baıqaý nátıjesіnde áskerı oqý ornynyń oqytýshylary I dárejelі dıplommen jáne estelіk syılyqtarmen marapattaldy.