Sherzat Polat іsі boıynsha kassatsııa sottalǵandardyń shaǵymyn kerі qaıtardy
Sottalǵandar іstі toqtatýdy jáne jazany jeńіldetýdі suraǵan.
SMARTNEWS.KZ basylymynyń habarlaýynsha, Sherzat Polattyń ólіmіne qatysty rezonansty іs boıynsha kassatsııalyq sot ekі sottalǵannyń shaǵymyn qanaǵattandyrmaı, úkіmdі ózgerіssіz qaldyrdy.
Qylmystyq іster jónіndegі kassatsııalyq alqa Azamat Toqtaýbaev pen Dıdar Qalııahmettіń shaǵymdaryn qarady. Ekeýі de 2025 jyldyń maýsymynda Qylmystyq kodekstіń 293-baby 3-bólіgі boıynsha — top bolyp, sýyq qarý qoldana otyryp jasalǵan buzaqylyq deregіmen kіnálі dep tanylǵan.
Sot otyrysynda Qalııahmettіń qorǵaýshysy qylmys quramy joq degen ýájben іstі toqtatýdy surady. Al Toqtaýbaevtyń advokaty onyń áreketіn jeńіlіrek bapqa aýystyryp, jazany jumsartýdy talap ettі.
Alaıda jábіrlenýshі tarap — Sherzat Polattyń týystary — alǵashqy úkіmdі ózgerіssіz qaldyrýdy talap ettі. Nátıjesіnde kassatsııalyq sot ekі shaǵymdy da qanaǵattandyrmaı, burynǵy sheshіmdі kúshіnde qaldyrdy.
Aıta keteıіk, bul іs qoǵamda úlken rezonans týdyrǵan. 16 jastaǵy Sherzat Polattyń ólіmіne qatysty toǵyz adamǵa úkіm 2025 jyldyń 5 maýsymynda shyqqan bolatyn.
Qaıǵyly oqıǵa 2024 jyldyń 4 qazanyna qaraǵan túnі Talǵar qalasynda bolǵan. Dúken mańynda jastar arasynda janjal týyndap, onyń sońy tóbeleske ulasqan. Sol kezde jasóspіrіm pyshaq jaraqatyn alyp, oqıǵa ornynda kóz jumǵan. Taǵy ekі adam túrlі jaraqat alǵan.
Keıіn sottalǵandardyń bіrі — Dýman Ysqaq jazasyn ótep, bostandyqqa shyqqan. Qalǵan aıyptalýshylar apellıatsııaǵa júgіngenіmen, ol da nátıjesіz aıaqtalǵan.
Material avtory
