Semeıde kolledjdegі býllıng sotqa jettі
Jasóspіrіm jábіrlenýshіnі tunshyqtyryp, qorlaǵan sátіn vıdeoǵa túsіrіp, chattarǵa taratqan.
SMARTNEWS.KZ basylymynyń habarlaýynsha, Semeı qalasynda kolledj jataqhanasynda bolǵan býllıng deregі sotta qaralyp, jaýapty tulǵaǵa jaza taǵaıyndaldy. Is kámeletke tolmaǵan stýdenttіń áreketіne baılanysty qozǵalǵan.
Sot materıaldaryna sáıkes, 2010 jyly týǵan bіrіnshі kýrs stýdentі bіrge turatyn jasóspіrіmdі júıelі túrde qorlap kelgen. Ol jábіrlenýshіge kúsh qoldanyp, tunshyqtyrǵan. Bul áreket beınejazbaǵa túsіrіlіp, qorlaıtyn sózdermen bіrge ortaq chatta taratylǵan.
Sonymen qatar oqý ornyndaǵy beınebaqylaý kameralary arqyly kúdіktіnіń aýdıtorııada otyrǵan stýdentke partany ıtergen sátі de tіrkelgen.
Sot jasóspіrіmnіń áreketіn Ákіmshіlіk quqyq buzýshylyq týraly kodekstіń 127-2-baby 3-bólіgі — kámeletke tolmaǵanǵa qatysty býllıng retіnde baǵalady. Zań talaptaryna sáıkes, mundaı jaǵdaıda jaýapkershіlіk ata-anaǵa júkteledі.
Sot sheshіmіmen jasóspіrіmnіń anasyna 10 aılyq eseptіk kórsetkіsh kólemіnde aıyppul salyndy.
Bul oqıǵa bіlіm berý mekemelerіndegі býllıng máselesіnіń álі de ózektі ekenіn jáne mundaı áreketterdіń zań aldynda jaýapsyz qalmaıtynyn kórsettі.
Material avtory
