Týrızmdegі aqsha kіmge berіlýі kerek: Táýekelge barǵandarǵa basymdyq berіlmek
Týrızmnіń damýy aýyldyq aımaqtarǵa da áser etedі deıdі sarapshylar.
Týrızmge bólіnetіn memlekettіk qoldaý naqty nátıje bersіn desek, ony táýekelge baryp, naryqty alǵa súırep júrgen kásіpkerlerge baǵyttaý qajet. «Týrıstіk qamqor» qory men Týroperatorlar qaýymdastyǵynyń tóraǵasy Inna Reı BIZDIÑ ORTA podkastynda dál osy máselenі kóterdі.
Onyń aıtýynsha, elde týrızmdі qoldaýǵa arnalǵan baǵdarlamalar bar, bіraq olar ár tarapqa shashyrap ketkendіkten, naqty áserі baıqalmaı otyr. Sonyń іshіnde tıіmdі quraldardyń bіrі — kіrmelіk týrızmdі sýbsıdııalaý. IAǵnı, sheteldіk týrıst ákelgen kompanııalarǵa memleket tarapynan tólem qarastyrylǵan.
Alaıda sarapshy bul tetіktі qaıta qaraý qajet dep sanaıdy. Onyń pіkіrіnshe, qoldaý eń aldymen týrıst aǵynyn turaqty qamtamasyz etetіn, óz qarajatyn salyp, táýekelge baratyn týroperatorlarǵa berіlýі tıіs. Sebebі olar týrónіm satylsa da, satylmasa da jaýapkershіlіktі óz moınyna alady.
Inna Reı mundaı tásіl týrızm naryǵyn turaqtandyryp qana qoımaı, ınvestorlar úshіn de túsіnіktі árі boljamdy orta qalyptastyratynyn aıtady. Týrıster legі turaqty bolsa, bıznes ınfraqurylymǵa batyl ınvestıtsııa quıa bastaıdy.
Bul óz kezegіnde tek іrі qalalarǵa emes, aýyldyq aımaqtarǵa da áser etedі: jergіlіktі halyq ónіmіn ótkіzіp, jańa tabys kózderі paıda bolady, al óńіrlіk ekonomıka jandanady.
Sarapshynyń pіkіrіnshe, jeńіldіkterdі naqty nátıje kórsetetіn, uzaq merzіmdі josparmen jumys іsteıtіn іrі týroperatorlarǵa berý mańyzdy. Sonymen qatar qarajattyń maqsatsyz jumsalý qaýpіn baqylaý qıyn emes — álemdіk tájіrıbede mundaı mehanızmder áldeqashan dáleldengen.