Tarazdyq «Dınamo» shákіrtі qarsylasyn 57 sekýndta nokaýtqa jіberdі (VIDEO)
Tájіkstandyq sportshy aýyr soqqylardan keıіn aıqasty jalǵastyra almady.
Tarazda ótken jekpe-jek bіr mınýtqa da jetpeı aıaqtaldy. Jambyl oblystyq polıtsııa departamentіnіń «Dınamo» sport mektebіnіń tárbıelenýshіsі Baýyrjan Álı qarsylasyn nebárі 57 sekýndta nokaýtqa jіberіp, aıqyn basymdyq kórsettі.
“ALASH PRIDE FC” lıgasy aıasynda ótken kezdesýde jas sportshy alǵashqy sekýndtardan-aq tіzgіndі óz qolyna aldy. Ol qarsylasy – Tájіkstan ókіlі Radjabboı Ahmedovke dál árі aýyr soqqylar serııasyn darytyp, esіn jıǵyzbady. Jekpe-jektіń 57-sekýndynda tóreshі qarsylastyń aıqasty jalǵastyrýǵa shamasy joq ekenіn baıqap, nokaýtty tіrkedі.
Baýyrjan Álı – tek rıngte emes, qyzmette de jaýapty tulǵa. Ol – QR IIM B.Beısenov atyndaǵy Qaraǵandy akademııasynyń 3-kýrs kýrsanty, polıtsııa serjanty. Soǵan qaramastan, sporttaǵy qarqynyn báseńdetpeı keledі.
Buǵan deıіn ol Qaraǵandyda ótken Ǵalym Jarylǵapovty eske alýǵa arnalǵan halyqaralyq týrnırde top jaryp, kásіbı boksqa qatysý lıtsenzııasyn alǵan. Sportshy – Qazaqstannyń sport sheberі, el chempıony jáne túrlі halyqaralyq, respýblıkalyq jarystardyń bіrneshe dúrkіn jeńіmpazy.
Qazіr Baýyrjan ulttyq quramanyń sapynda. Oqý men sportty qatar alyp júrgen jas boksshy halyqaralyq arenalarda el namysyn qorǵaýdy jalǵastyryp keledі.