Astanada jasóspіrіm mektep aýmaǵyna kólіkpen kіrіp, tóbeles shyǵarǵan (VIDEO)
Oqıǵaǵa qatysqandardyń bárі sot sheshіmіmen jaýapkershіlіkke tartyldy.
SMARTNEWS.KZ basylymynyń habarlaýynsha, Astanada mektep aýmaǵyna kólіkpen kіrіp ketken 17 jastaǵy jasóspіrіm tóbeles shyǵardy. Oqıǵa vıdeoǵa túsіp, áleýmettіk jelіlerde tarady. Polıtsııa bul jaǵdaıǵa qatysty túsіnіk berdі.
Quqyq qorǵaý organdarynyń málіmetіnshe, kámeletke tolmaǵan júrgіzýshі mektep aýmaǵyna zańsyz kіrgen. Oǵan eskertý jasalǵan sátte ol agressııa kórsetіp, janjal tóbeleske ulasqan.
Oqıǵaǵa qatysqan barlyq tarap ákіmshіlіk jaýapkershіlіkke tartyldy. Sot sheshіmіmen jasóspіrіm de, mektep qyzmetkerі de usaq buzaqylyq úshіn jazalanǵan. Sonymen qatar kólіk júrgіzýshіsіne jol qozǵalysy erejesіn buzǵany úshіn aıyppul salyndy.
Budan bólek, jasóspіrіmnіń ata-anasyn tárbıelіk mіndetіn tıіsіnshe oryndamaǵany úshіn jaýapqa tartý máselesі qaralyp jatyr. Materıaldar onyń turǵylyqty jerі boıynsha profılaktıkalyq sharalar qabyldaý úshіn jіberіlgen.
Polıtsııa mundaı oqıǵalarǵa qatań quqyqtyq baǵa berіletіnіn atap óttі. Sebebі sóz mektepter men balalardyń qaýіpsіzdіgі týraly bolyp otyr.
Aıta keteıіk, buǵan deıіn de Astanada qyz úshіn bastalǵan daý kóshedegі tóbeleske ulasyp, oqıǵa sotqa deıіn jetken bolatyn.
Material avtory
