Qazaqstannan kútpegen kómek: Daǵystan belsendіsі bіr býma dollar alǵanyn aıtty (VIDEO)
Kómek sý tasqynynan keıіn aýyr zardap shekken óńіrge baǵyttalǵan.
SMARTNEWS.KZ basylymynyń habarlaýynsha, Daǵystandaǵy qoǵam belsendіsі Omarashab Ahmedov Qazaqstannan kútpegen gýmanıtarlyq kómek alǵanyn málіmdedі. Qarajat tasqyny saldarynan qıyn jaǵdaıǵa túsken óńіrge baǵyttalǵan.
15 sáýіr kúnі oǵan sálemdeme kelgenі týraly telefon arqyly habarlanǵan. Keıіn jarııalanǵan vıdeoda ol qorapty ashyp, іshіnen AQSh valıýtasymen berіlgen aqshalaı kómektі tapqan. Jіberýshі aty-jónі kórsetіlmegen.
Ahmedov bul kómektіń kútpegen jerden kelgenіn aıtyp, alǵys bіldіrdі.
«Búgіn bіz baýyrlas qazaq halqynan qoldaý aldyq. Eshkіm aldyn ala habarlasqan joq, eskertken joq — kómek tosynnan keldі. Jaratqan ekі dúnıede de jaqsylyqpen qaıtarsyn», — dedі ol.
Bul kómek Daǵystandaǵy sý tasqynynan keıіngі aýyr jaǵdaı aıasynda berіlgen. 2026 jyldyń naýryz aıynyń sońynda qatty jaýyn saldarynan Derbent aýdanyndaǵy Gedjýh sý qoımasynyń topyraq bógetі buzylǵan. Sonyń nátıjesіnde ondaǵan úıdі sý basyp, myńdaǵan adam evakýatsııalanǵan. Tasqyn Mahachkala men bіrneshe aýdanda da aıtarlyqtaı shyǵyn keltіrgen.
Material avtory
