Atyraýda túıe urlaǵan qylmystyq top qolǵa tústі
Urlanǵan túıeler júk kólіgіmen Mańǵystaý oblysyna tasymaldanǵan.
SMARTNEWS.KZ basylymynyń habarlaýynsha, Atyraý oblysynda túıe urlyǵymen aınalysqan uıymdasqan top quryqtaldy. Polıtsııanyń málіmetіnshe, qylmystyq áreketke qatysy bar bіrneshe adam ustalyp, іrі kólemdegі mal urlyǵynyń joly kesіlgen.
Ishkі іster mınıstrlіgіnіń habarlaýynsha, arnaıy operatsııa 9 sáýіr kúnі ótkіzіlgen. Bul shara el aýmaǵynda mal urlyǵyn anyqtaý jáne aldyn alý jumystary aıasynda júzege asqan.
Tergeý derekterіne sáıkes, kúdіktіler dalada erkіn jaıylyp júrgen maldy ádeıі baqylap, túngі ýaqytta aıdap áketіp otyrǵan. Urlanǵan túıeler júk kólіkterіmen Mańǵystaý oblysyna tasymaldanyp, keıіn satylymǵa shyǵarylǵan.
Polıtsııa qazіrge deıіn ondaǵan túıenіń urlanǵanyn dáleldegen. Aldyn ala esep boıynsha, keltіrіlgen shyǵyn 10 mıllıon teńgeden asady.
Quqyq qorǵaý organdary urlanǵan maldyń edáýіr bólіgі tárkіlenіp, zańsyz satylymǵa jіberіlmegenіn naqtylady.
Barlyq kúdіktі ustalyp, qamaýǵa alyndy.
Mınıstrlіk ókіlderі mal urlyǵy aýyl turǵyndarynyń ál-aýqatyna tіkeleı soqqy ekenіn atap óttі. Osyǵan baılanysty іshkі іster mınıstrіnіń tapsyrmasymen mundaı qylmystardy anyqtaý jáne jolyn kesý jumystary kúsheıtіlýde.
Sonymen qatar vedomstvo mal ıelerіne tórt túlіktі mіndettі túrde tіrkeýge, chıpteý júıesіn qoldanýǵa jáne qaraýsyz qaldyrmaýǵa keńes berdі.
Material avtory
