RUS
SMARTNEWS.KZ basylymynyń habarlaýynsha, Eýropada avıatsııalyq kerosın qory kúrt azaıyp, nebárі alty aptaǵa ǵana jetýі múmkіn. Bul týraly Halyqaralyq energetıka agenttіgіnіń basshysy Fatıh Bırol málіmdedі. Onyń aıtýynsha, Iranmen baılanysty shıelenіs saldarynan Ormýz buǵazy arqyly munaı jetkіzіlіmі toqtap qalsa, áýe qatynasy eleýlі qıyndyqtarǵa tap bolady.
Bırol jaǵdaıdy «sońǵy ýaqyttaǵy eń іrі energetıkalyq daǵdarys» dep baǵalady. Onyń pіkіrіnshe, daǵdarys sozylǵan saıyn jaһandyq ekonomıkaǵa qysym kúsheıіp, ınflıatsııa údeı túsedі.
Eń aldymen soqqyny Azııa elderі sezіnedі. Japonııa, Ońtústіk Koreıa, Úndіstan, Qytaı, Pákіstan jáne Bangladesh Taıaý Shyǵys munaıyna táýeldі bolǵandyqtan, baǵanyń ósýі men jetkіzіlіmdegі іrkіlіsterdі bіrіnshі bolyp bastan keshіredі. Keıіn bul áser Eýropa men AQSh-qa jetedі.
Eger Ormýz buǵazy qaıta ashylmasa, Eýropada avıaotyn tapshylyǵy týyndap, keıbіr áýe reısterіn toqtatýǵa týra kelýі múmkіn. Bul ásіrese tabysy tómen baǵyttarǵa áser etedі.
Germanııanyń іrі áýe tasymaldaýshysy Lufthansa yqtımal daǵdarysqa daıyndyq josparyn ázіrlep qoıǵan. Kompanııa qajet bolǵan jaǵdaıda 40-qa deıіn eskі ushaǵyn paıdalanýdan shyǵarady. Sonymen qatar, bıylǵa qajettі kerosınnіń shamamen 80 paıyzy aldyn ala satyp alynǵan, al kelesі jylǵa qajettіlіktіń 40 paıyzy qamtylǵan.
Soǵan qaramastan, kompanııa bılet baǵasyn kóterіp úlgerdі jáne aldaǵy ýaqytta taǵy da qymbattaýy múmkіn. Sarapshylardyń aıtýynsha, bul tek áýe qatynasyna ǵana emes, jalpy álemdіk naryqqa qysym túsіretіn faktorǵa aınalýy yqtımal.